From Wikipedia, the free encyclopedia
格鲁吉亚（Template:Lang-ka，ISO 9984轉寫：Sakartvelo），是欧亚大陆交界地区个一个国家，老早是苏联加盟共和国，来勒1991年4月9日正式独立，第一任总统是兹维亚德•加姆萨胡尔季阿。伊拉个国名名是“格鲁吉亚共和国”，1995年8月24日迭个国家通过新个宪法，拿国名定成“格鲁吉亚”，老早是独立国家联合体成员。2008年8月与俄罗斯发生为期5天的战争后，格鲁吉亚退出独联体。格鲁吉亚个首都是第比利斯。迭个国家也是苏联个领导人斯大林个故乡。
格鲁吉亚有交关悠久个历史，伊拉个民族，是高加索地区个原住民，老早个历史可追溯到青铜时代，来勒迭个辰光，现代乔治亚人个祖先部落开始形成，青铜器传播并发展之后，生产力大幅度提高。各个部落之间开始正式交流。公元337年开始，乔治亚人开始信奉基督教，基督教对乔治亚人个文化产生交关影响。基督教让让古格鲁吉亚文字消失，伊拉个书写文字，被希腊文搭叙利亚文混合产生个新文字所替代。
来勒5-7世纪，乔治亚作为一个缓冲带，成为拜占庭帝国搭萨珊波斯帝国戰爭个主要战场之一。回教扩张并灭脱波斯之后，此地开始有阿拉伯势力，或者亚美尼亚人来统治；到1220年蒙古帝國入侵高加索；1386年到1403年当中，此地又受到帖木儿个侵袭，格鲁吉亚经济文化遭到回教个严重破坏，从此老早中世纪个古王国衰落。到1453年信回教个奥斯曼帝国又攻陷君士坦丁堡，格鲁吉亚从此西方联系中断三百多年。来了个当中，乔治亚王国先后受到逊尼派搭什叶派个严重威胁，当地居民奋起抗争，才让基督教信仰没有完结。
1783年俄罗斯个势力开始进入高加索地区，因为宗教信仰个关系，俄罗斯对乔治亚提供保护，并且拥有乔治亚个宗主权。来勒1804年到1864年当中，格鲁吉亚诸邦相继被俄罗斯吞脱。到1921年2、3月间，格鲁吉亚个苏维埃政权建立，来勒1936年以独立加盟共和国个形式并到苏联里向，国家个名字也改称为格魯吉亞蘇維埃社會主義共和國。到1985年，苏联总统戈尔巴乔夫上台后，因为大力提倡开放与改革政策，苏联个各个加盟共和国相继开始有离心倾向，纷纷脫離苏联；来勒1990年，格鲁吉亚最高苏维埃通过决议，认为苏联联邦条约违反本国律法，同一辰光，该议会发表主权宣言，拿国名改成格鲁吉亚共和国。到1991年4月9日，乔治亚宣布脱离苏联独立。1993年12月，该国加入“独立国家联合体”，2008年8月12日因为战争原因宣布退出。1996年4月，“格鲁吉亚共和国”个名字被改成为格鲁吉亚。2003年发生玫瑰革命，总统谢瓦纳兹下台。该国个政策开始明显倾向西方。拿国旗、国徽侪改成中世纪传统个风格哉。
2008年8月7日，格鲁吉亚军队進攻搭俄罗斯接鄰个南奧塞梯地区，伊拉想拿該地重納入政府管轄之下。南奥塞梯战争爆发。到2008年8月8日，俄罗斯派大军對格鲁吉亚军队发动交关空中打击。后头又出兵进入乔治亚境内，乔治亚军队弗是对手，两个离心地区从此实际意义高头独立出去。从此，乔治亚搭俄罗斯断交。
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
.svg)
