houzår

Walon (Rifondou)

Dobès rfondowes

houzår

houzård

Etimolodjeye

Bodje hongrwès « huszár » (vintinme, pask' on sôdår so 20, e l' Hongreye do 16inme sieke, esteut evoyî al cavalreye), pal voye di l' almand; mot cité dins l’ FEW 16 274b. Dataedje do mot : 1700.

Cisse pådje u ci hagnon ci est co a scrire, u a mete d’ adrame. Si vos avoz des cnoxhances so l’ sudjet, vos l’ ploz fé vos-minme.

Sustantif

singulî	pluriyal
houzår	houzårs

houzår omrin 

1. ancyin sôdård a tchvå, rilomé foirt waeraxhe.
   • Ti, copere Djuråd, par azår, Est çki t' n' as nén peu des houzårs ? — Jean-Charles Benoît, Les Houzårs (fråze rifondowe).
   • N a yeu on redjimint d' houzårs di kihatchî — Motî Forir (fråze rifondowe)..
   • Ele si tént roede come on houzår— Martin Lejeune, “ Œuvres lyriques du poète Martin Lejeune” p.136, « L’ andje dèl têre » (fråze rifondowe).
   • Cwand il ont yeu tot veyou des ptitès såles di dzo, avou les mousmints des gurnadîs, des houzårs, des lancîs, des dragons et dji n' ti sai d' tot cwè, il ont monté les montêyes po vey li panorama — Lucyin Mahin, Vera.

   noer houzår sôre di houzårs des Aloyîs disconte di Napoleyon.

   • Mi dierinne afwaire fout l' prijhe ki ns avîs avou les noers houzårs; des bons sôdårs, savoz, ki n' bodjèt nén pus k' des rinnåds — Dieudonné Salme, Li Houlot, p. 157 (fråze rifondowe).

   boere come on houzår boere bråmint (del gote) et raddimint.

   On dit eto : come on trô.

   • Et Djam paya l' gote ås catoize fesses et a leu viye macrale di mere; li viye låma s' vere come on houzår. — Marcel Hicter (fråze rifondowe).

   end a plin l' pupe d' on houzår dijhêye tot mostrant si mwin drovowe, volant dire k' on vs li pôreut fote e vizaedje come on fotreut voltî ene berlafe a on houzår.

2. si poirter parey k' on houzår esse bén poirtant.

   F. "être en superforme".

   prinde ene comere a môde di houzår fé l' amour avou leye d' astampé, et waire dismoussî.

   F. "à la hussarde".

   camizole di houzår.

3. taxhete di houzår.
4. (pa stindaedje) feme k' est come èn ome, ki n' a peu did rén, et ki n' est nén boune.
   • Cisse feme la, c' est on fir houzår; ele mi fwait sogne — Motî Forir (fråze rifondowe)..
   • Twenete, c' esteut on vî houzår.

   Loukîz a : cozake, dragon, djindåre.

   F. "mégère, virago, harpie".

5. (vî mot d' cinsî) croupete avou shijh djåbes al tere et ene tchape.
   • Les vårlets fwaiynut des houzårs a campagne — Motî Gilliard (fråze rifondowe).

   covrou houzår dijhea avou set djåbes al tere, et troes djåbes come tchapes.

6. sôre di moye di djåbes.

   F. "meule".

Parintaedje

houzårdé

Sinonimeye

• (croupete): sôdår, dijhea

Mots vijhéns

oursea

Ortografeyes

Modele:orto

Ratournaedjes

sôdård

• Francès : hussard ^(fr)

• F. "dizeau".

Waitîz eto

• Lijhoz l’ årtike houzår so Wikipedia
• Lijhoz l’ årtike houzår (discramiaedje) so Wikipedia