djin

Walon (Rifondou)

Etimolodjeye

Tayon-bodje latén « gentem » (minme sinse)

Prononçaedje

• AFE :
  • diferins prononçaedjes : /d͡ʒɛ̃/ /d͡ʒã/ (minme prononçaedje cåzu pattavå)
  • prononçaedje zero-cnoxheu : /d͡ʒɛ̃/  ^{aschoûtez lu}
• Ricepeures : nén rcepåve

Sustantif

singulî	pluriyal
djin	djins

djin femrin

1. ome u cmere, di tolminme kéne ådje.
   • On cwirt ene djin po li scretariat.
   • L' ouxh po-z î passer ene djin, bén sovint, on l' fijheut e ç' plaece la — Motlî Pierret so les måjhons a Longuiè (fråze rifondowe).
2. kimere.
   • C' est ene djin k' a stî målureuse e s' manaedje.
   • C' esteut ene bele djin cwand elle esteut djonne.
   • Elle esteut bén coraedjeuse, nosse pitite djin.
3. pluriyal tos les omes et les femes d' ene metowe societé.
   • C' est des bråves djins.
   • Les djins sont bén sots.
4. pluriyal parints, soçons.
5. li ci (cene) ki dmeure ene sadju.
   • C' est ene djin do viyaedje.
   • On payis avou 20 miyons d' djins.
   • C' est tos viyaedjes k' ont-st evoyî leus djins e l' Amerike.

Piceures di croejhete

L' addjectif atribut di "djins" (pluriyal) est omrin.

1. • Les djins estént contins
   • Les djins sont bén sots.
   • Gn a djaenisse et djaenisse: gn a des djins ki sont tot djaenes et des cis ki n' ont rén (ramexhné pa L. Remacle).

Ratourneures

1. mes djins
2. mete a djin u: mete avå les djins : fé abitouwer on novea-vnou ås djins do payis k' i vike avou zels. F. intégrer.
   1. metaedje° a djin.
3. a djin u: a môde di djin
4. on n’ rimete nén djin a biesse
5. i fåt prinde li tins come i vént u: i fåt prinde li tins come i vént et les djins po çk' i sont : i n' fåt pont s' fé d' bîle cwand åk ni va nén vite assez, u cwand ene sakî vos fwait des niches.

   les djins d' nos djins : nos parints et les parints d' nos parints, et leus soçons.

Mots d’ aplacaedje

• grande djin
• pititès djins : les djins ki n' sont nén ritches, les djins do peupe. F. gens modestes.
• hôtès djins : les djins ki sont ritches et pouxhants F. notables, figures importantes, nantis.

1. • Dès fwért hôtès djins vinît d’bin lon po l’rèscontrer, minme li royinne di Saba, qu’èsteût fwért acmiyetante, acora avou totes sès djins — Georges Ghys.

• abondroets des djins; abondroets del djin : droets di tolminme kén ome u kéne feme sol daegn. F. droits de l'homme. Ingl. human rights.
  • Riclamaedje des abondroets des djins e tos tchamps payis u: Declaråcion univiersele des droets del djin : papî scrît pås Revinteus francès d' 1789, a pårti del Declaråcion d' Indepindance des Estats-Unis rexhowe sacwants anêyes pus timpe; et poy riscrît et adopté påzè Nåcions Uneyes. F. Déclaration universelle des droits de l'homme.
• belès djins : li famile di si feme, di si ome. F. belle-famille.
• djins d' ouy
• djins d' adon
• djin dal veye

Ortografeyes

Divant 1900 :

• gin : E203 ^(lére)
• dgin : GWiy

Après 1900, foû rfondou (Feller, Feller ricandjî, nén Feller) :

• djint : C13, C106, E1, E21, E34, O0, O2, O3, O90, S0
• djen : S25 (diné å pl. djens)
• djin : C8, C9, C13, O3, O4, O5 (diné å pl. djins)
• djan : S24
• dgin : E165
• djån : S105 (diné å pl. djåns)

E rfondou walon :

• djin : R9 ^(lére), R10 ^(lére), R13, R15

Ratournaedjes

ome u cmere, di tolminme kéne ådje

• Arabe : إنسان ^(ar) = إِنْسَان =‎ insân
• Arabe marokin : بنادم ^(ary) = بْنادم =‎ bnadem
• Inglès : person ^(en)
• Espagnol : persona ^(es), humano ^(es)
• Francès : personne ^(fr), homme ^(fr), être humain ^(fr), humain ^(fr)
• Neyerlandès : persoon ^(nl)

dimorant(e)

• Francès : habitant ^(fr), habitante ^(fr)

Walon (sistinme Feller)

Etimolodjeye

Loukîz a : « djén »

Sustantif

djin omrin

1. djén.