botike

Walon (Rifondou)

• 
  riclame e walon (scrijhaedje Feller) a Nameur pol fiesse ås lingaedjes walons e 2015
• 
  botike ås ôrreyes

Etimolodjeye

Tayon-bodje latén « apotheca » (depot, stok di martchandijhes) çou ki dene on mot avou l’ cawete « -ike ».

Prononçaedje

• AFE :
  • diferins prononçaedjes : /bɔ.ˈtik/ /bu.ˈtik/ /bu.ˈtœk/
  • prononçaedje zero-cnoxheu : /bɔ.ˈtik/
• Ricepeures : bo·tike

Sustantif

singulî	pluriyal
botike	botikes

botike omrin (djinre diferin do sfwait mot e francès)

1. (mot do bastimint) (mot d’ vindince) måjhon avou totès sôres di martchandeyes a vinde.
   • Dji n' irè pus a ç' botike la, les djins sont trop pô ahessants.
2. plaece la k' on overe po fabriker des martchandijhes.
   • Droci, c' esteut ene roye tcherbonrece, ki coreut dins l' aessi Inne-Sambe-Mouze; adon les fosses et les botikes ont skepyî come des tchampions. — Jacqueline Boitte (fråze rifondowe).
   • Popa travayive dins on botike di shabotîs — Båze di dnêyes di l’ Årdene nonnrece (fråze rifondowe).
3. totes les usteyes po fé on metou mestî.
   • Il vleut prinde tot l' botike, èn rén leyî a ses frés.
   • Ti freus co mî d' evoyî l' botike å diåle.
4. gros vinte.
   • Waite ké gros botike.
   • End a onk di botike.
   • Lu, i sogne si botike; pol moens.
5. (sessouwalité) (radoûcixhanmint) pårteyes do coir k' on n' doet nén mostrer (vé u mozete).
   • Catchîz vosse botike!
   • On-z a veyou tot s' botike.
   • Noyé esteut si sô (…) k’ i s’ aveut essocté so ses voyes tot leyant vey si botike ås cis ki passént — Jean-Pierre Dumont (fråze rifondowe).

Ratourneures

1. tini botike : esse responsåve d' on botike
2. ene feye unike k' årè l' tchambe et l' botike
3. tini botike dizo ses cotes
4. djouwer å ptit botike : F. avoir des relations sexuelles avec une femme;
5. sere ti botike : F. ta braguette est entr'ouverte.

Parintaedje

• botikî, boticresse
• botikea
• boticaedje
• boticreye
• botiker, botikeu

(minme sourdant etimolodjike)

• apoteke, apoticåre, apoticreye

Mots d’ aplacaedje

• grand botike

Fås amisse

handele

Sinonimeye

• (plaece la k' on vind des martchandijhes) : magazin
• (plaece la k' on fabrike des martchandijhes) : ovroe, oujhene, fabrike
• (gros vinte): bodene

Ortografeyes

Divant 1900 :

• botik : E177a ^(lére)

Après 1900, foû rfondou (Feller, Feller ricandjî, nén Feller) :

• boutike : C8, O3, O4, S117
• botëke : C65 (!!! a-z aveuri)
• boutique : O0, O2
• botique : C1, E1, E21, E34
• botike : C1, C9, E1, S0

E rfondou walon :

• botike : R10 ^(lére), R13

Li mot n’ est nén dins : C13 (k' a "botikî" et "botikea")

Ratournaedjes

bastimint la k' on vind des martchandeyes

• Arabe marokin : 7anot (Hanot) =‎ حانوت
• Inglès : shop ^(en), store ^(en)
• Francès : magasin ^(fr), épicerie ^(fr), commerce ^(fr)
• Neyerlandès : winkel ^(nl)

bastimint la k' on fabrique des martchandeyes Loukîz a : ovroe

• Inglès : manufacture ^(en)
• Francès : atelier ^(fr), manufacture ^(fr)

totes les usteyes

• Francès : outillage ^(fr), bataclan ^(fr)

gros vinte

• Francès : bedaine ^(fr)

pårteyes

• Francès : parties sexuelles ^(fr)

Waitîz eto

• Lijhoz l’ årtike botike so Wikipedia
• Lijhoz l’ årtike botike (discramiaedje) so Wikipedia