From Wikipedia, the free encyclopedia
Simon li scrinî, ki l' vraiy tite, c' est "Le Mayeur ruiné par sa charge ou Simon l'Escrini comédie en wallon fort risible", c' est ene rimêye pîce di teyåte e cwate tåvleas, rexhowe a Vervî diviè 1760, et k' on n' sait kî çki l' a scrît. C' est ene des pus viyès pîces di teyåte e walon kinoxhowes disk' asteure.
Elle a stî rtrovowe et replaideye pa Jean Haust amon Vaillant Carmanne a Lidje e 1934.
Li pîce a dandjreus stî scrîte pa on notåre, ca gn a des passaedjes d' akes di notåres ki sont scrîts dins les régues d' adon. I sont scrîts e francès administratif di ç' tins la.
Li tecse est rindjî å l° 365 dins l' Invintåre Piron des pus vîs tecses e walon dizo l' tite "Simon l'ébéniste".
Li pîce kimince pa on dvant-z-ouve, come les dramatikes des Greks, la k' on esplike li tinme et dmander escuze si les djouweus ont må djouwé.
Li dierinne sinne ki n' apoite rén, mostere li vî mayeur k' est resseré, et k' on "disgonfele" avou ene prudje. Cisse pitite piceure scatolodjike la (k' creyeut k' i faleut di totes foice aveur po fé rire) si rtrouve dins bråmint des tecses walon do 18inme sieke.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
