Plouve

Li plouve, c' est d' l' aiwe ki tchait djus des nûlêyes.

Po des linwincieusès racsegnes sol mot "plouve", alez s' vey sol Wiccionaire

Brouyî do l'plouve.

Motlî

Ele pout toumer tins d' ene walêye ou tins d' èn oraedje.

S' i fwait moens ki 0 grés Celsius, li plouve divént del nive.

Li plouve pout eto edjaler e l' air et toumer a môde di gurzeas.

Ene pitite plouve si lome ene plovinete.

Cwand l' brouheur scheut, on dit k' i brouhene. Ci n' est nén del vraiye plouve, poy ki ça n' vént nén des nouwêyes.

Cwand i ploût foirt et lontins, on s' pout atinde a-z aveur les grossès aiwes.

Muzeure do plovaedje

On mzeure li plovaedje a ene metowe plaece pal voye d' on plouvmete.

Såjhon des plouves

Inte les tropikes et les pôles, les plouves vinèt purade les moes ki l' solea est li pus awiyant (waeyén-tins, ivier et bontins). Ki : pus k' on va a Bijhe, pus ki c' est del nive, e l' ivier.

Inte les deus tropikes, les plouves si passèt inte deus passaedjes do solea å scwere do payis. On-z a adon deus såjhons des plouves, li ptite eyet l' grande. Li musson est comprinjhe dins ci sistinme la.

Sintumint del djin eneviè l' plouve

El Walonreye, on voet sovint l' plouve evi.

Dins les setchs payis (metans les payis del Mîtrinne Mer) li plouve est veyowe voltî, paski tote li campagne endè dipind.

Commons

I gn a so les cmons Wikipedia des imådjes ou fitchîs son a vey avou l' plouve .