Les Matenes, po les crustins, c'est l' 3inme priyire del djournêye, ki s' dit foirt timpe, ås aireurs do djoû, après s' awè levé.
Les bizantins et les årmenyins ont aclapé les matenes ås lôdes, et po ça ont metou des ôtès matenes a leu plaece, ki les bizantins ont lomé "priyire e meynute", et les årmenyins "rimetaedje des catches å for". Did la, li ratourneure "ratinde matenes" pol rewoeyon d' Noyé, divant l' messe e meynute.
Les matenes si lomnut ορθρος (orthros) e grek, matutinus u tenebris u nocturnæ e latén, outreniya e slåve. Cisse priyire est l'imådje do ravicaedje da Djezus-Cri.
Normålmint dins tos les rites, les matenes ont 12 såmes po d' bon, des imes, des priyires et, po les coûtchantreces, des lijhaedjes del Bibe et des Peres di l' Eglijhe. Po les levantreces, come lijhaedjes, i gn a ki l' evandjîle, seulmint les dimegnes et les djamas. Ciste evandjîle est acoplêye a ene pitite porcession et des tchants, ki s' lomnut "les comeres ki poitnut des ôles", po rimimbrer les femes k' årént discovrou l' ravicaedje da Djezus-Cri.
Tins del peneuse samwinne, les matenes estént avanceyes al nute do djoû di dvant.
Les troes dierins djoûs, le divént esse fineyes après solea djus. Did la leu nos, di distindowès matenes (ki replaecént ossu les lôdes).
- Distindowès matenes
- ratinde-matene (rewoeyon d' Noyé)
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
