Li crawieuse agaesse (Li crawieûse agasse), c' est l' cwatrinme et dierin des romans e walon da Joseph Calozet.
Come les cis di dvant, il est asné so des vraiyès djins k' ont viké podbon a Nåwinne, avou leus djoyes et leus rascråwes
Mins, å rvier des cis di dvant, "li crawieuse agaesse" toûne åtoû d' ene djin k' est metchante come... ene crawieuse agaesse.
Li roman a parexhou e 1939 ey esse replaidî e 1945 dins l' coleccion "Nos dialectes" a Vaillant-Carmanne.
Il a rascodou li pris do govienmint po 1937-1938.
Djôzef Calozet dene li calema di ses scrijhaedjes e walon dins l' divant-z-ouve do live :
- Après les bråvès djins do Payis des shabotîs, do Bracnî, et da Pitit d' mon les matantes, voci "Li crawieuse agaesse" : ene feme come i gn a sacwantes dins tos les viyaedjes - doûce alinne et metchante linwe - ki påternêye e tuzant a må.
- Çou ki dj' raconte s' a passé mon ls Årdinwès, k' ont creyou si lontins ås sorcires, ås leus-warous et ås nûtons, et ki sont cåzu tertos des djins d' eglijhe.
- Dji n' a fwai k' d' acopler tot çk' on m' a dit avou tot çki dj' a veyou, e candjant seulmint les nos des metchantès djins, ki s' ricnoxhront cwand minme åjheymint.
Come les ôtes romans do scrijheu, ci-cial est mo ahessant po rtrover des sinnes do vicaedje d' on viyaedje d' Årdene sol kiminçmint do 20inme sieke. Boutans :
- Les votaedjes p. 6-16
- Li ristinneu (ristinnaedje des coyîs et fortchetes) p. 12
- Ene håsse p. 22-28
- Ene mission e-n on viyaedje p. 81-91
- On perlinaedje a Lourdes p. 91-100
Li scrijheu î fwait eto ene clignete a Pire-Djôzef Dosimont, tot cåzant d' lu al p. 54 :
- I gn a tant d' croejhlådes, tant d' pazeas ki catournèt ki nos ptits, ki sont pressés, s' brouyèt et n' s' î rconoxhèt pus. Comint n' vôrîz, puski les grands zels-minmes, des vîs rôleus d' bwès, portant, come Pire-Djôzef d' Årveye, s' î pierdèt cobén d' plin djoû ?
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
