From Wikipedia, the free encyclopedia
Djusqu'au solia
Disk' å solea (Djusqu'au solia), c' est ene ramexhnêye d' arimés da Jean Guillaume.
Elle a rexhou e 1947, saetcheye a 1340 egzimplaires, çou k' endè fwait onk des pus foirts tiraedje d' on live d' arimés e walon.
Tos les powinmes ont stî léjhous på scrijheu dins l' deujhinme plake do "scrinea Djan Guiyåme".
Dins "Blancs tchveas", i djåze di s' mame, avou on repetaedje del tcherpinte del fråze ås troes strofes.
Dji vou dmorer l’ efant tot simpe
Simpe come les djoyes di m’ viye moman
Ki rschandit dé mi ses vîs mimbes.
Dji vou dmorer l’ efant tot simpe
Simpe come les poennes di m’ viye moman
K’ a veyou trop d’ ouys clôs trop timpe.
Dji vou dmorer l’ efant tot simpe
Simpe come l’ amour di m’ viye moman
Ki brait cobén aviè nôvimbe.
C' est sol tinme di l' ome k' est dins l' lune
Nos irans cweri nos sclimbes å bwès
Do tins k’ i djale
Et nos rvénrans avou nos fwès
Dizo les stoeles (stwale).
Dji vôreu ki l’ lune riglatixhe (riglatiche)
So nosse cron dos,
Et k’ ene flotcheye fwaiye ene blanke guitche (guiche)
A m’ rin d’ fagot.
Sobayî s’ on n’ nos pudreut nén (nin)
Po deus nûtons
K’ årént dansé mon l’ grimancyin
Cint rigodons ?
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.