From Wikipedia, the free encyclopedia
Dins les fleurs do Ptit Djezus (arimés)
Dins les fleurs do Ptit Djezus (Dins les Fleûrs do Ptit Jésus), c' est ene ramexhnêye d' arimés sicrîts pa Adelin Lebrun et k' a vudî e 1942.
Li live, eplaidî dizo cogne 31 x 24 cm, fwait 296 pådjes, tos les tecses estant ratournés e francès vizon vizu (sol pådje di gåtche). Il a stî imprimé a Dinant a l' imprimreye Bordeaux-Capelle.
Li live est enimådjî di linos et d' ene foto d' l' oteur fwaits pa Fernand Séha (14-07-1899 24-03-1974)[1].
Li live est pårti e cwate «livrets» (opuscules). Li cwatrinme est compôzé di doze «ascoxheyes» (doze longs powinmes so les doze moes d' l' anêye). Al fén do live, a môde di «rawete», ene sinnete arimêye lomêye «Sinfoneye e si mineur» (ouve dilérece del cene da Schubert).
Tchaeke powinme est dicåçté a ene djin. Pacô, c' est des rlomés scrijheus e walon. Insi gn a Emile Lempereur (p. 49), li «Baron d' Fleuru» (p. 57), Ernest Haucotte (p. 71), Léon Pirsoul (p. 73), Louis Lagauche (p. 85) et Max-André Frère (p. 87).
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.