From Wikipedia, the free encyclopedia
On blanc-må ou fotchroûle ou fotchrê ou boigne clå eterdoetrece c' est ene des pus corante maladeye do doet des bovrins.
C’ est èn efouwaedje do texhou d’ raloyaedje metou inte les deus doets des rodjès biesses dedja bén scraifyeyes.
Il arive å pus sovint cwand les biesses rotèt dins les broûs, et k’ gn a des piretes dins tere. Mins i pout avni totossu bén dins les ståves waire djetés.
Li må aspite d’ on plin côp. Li biesse a ene pate do drî houzêye, dizo l’ bolet. Eneviè ene roye ki pårtixhreut li dbout del pate e deus, des deus costés sont pareys. Les ongletes ni sont nén acsûtes.
Li biesse xhale tot djus.
Après on djoû u deus, sins médiaedje, li pea d’ inte les ongletes va blanki, pu schirer et leyî cori les oumeurs ki flairèt l’ moite tchå.
Li bactreye Sphaerophorus necrophorus (bacile do moraedje des tchås) est ricnoxhowe come li cåze del maladeye. Mins, pol lu moussî inte les doets, i fåt ene digreteure del pea d’ inte les ongletes.
C’ est ene des maladeyes ki rwerixh li pus rade avou des antibiotikes. Ene seule pikeure est assez, å cminçminnt, todi.
S’ i n’ est nén médyî, li må pout wangnî li djonteure inte li deujhinme et l’ troejhinme dognon. Adon, li biesse va piede ene onglete, et al fén diveur esse evoyeye a l’ abatwer.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
