Li betchfessî EY, c' est on betchfessî scrijha eployî po des mots k' ont, å coron, on son prononcî èy so Lidje et îy so Nameur, li Coûtchant walon, li Basse-Årdene, et l' payis d' Måmdey. Li cogne lidjwesse est pus stroete oyowe, mins pus diferinne do francès ki l' ôte.
a l' infinitif et dins dins les codjowaedjes i speye / i va spiyî; veye / viyaedje).
Crombès rimes
Diyalectalijhaedje do betchfessî EY
Uzaedje do scrijha EY come betchfessî
Li betchfessî ey a stî enondé pal tåvlotêye "rifondaedje" di l' UCW e 1995. C' est insi k' il a passé, sins arokes, å Raploû d' Tchålerwè sol rifondaedje (1996).
Li shuvion E + Y si pout rescontrer ådfoû do betchfessî EY:
nos etrindjirs walonijhîs: Djeyordjeye, neyerlandès.
dins sacwants calcaedjes do francès (mots avou "oi"): citweyin
Ci n' est nén trop målåjhey di fé l' diferince; li betchfessî ey ni s' ritrouve k' al fén des mots, ou al fén d' on bodje shuvou d' ene cawete (eg: åjhey => åjheymint; abeye => abeyisté), a des ôtès plaeces ci n' est nén li betchfessî ey, mins on y di beloyance inte deus voyales.