From Wikipedia, the free encyclopedia
Ene agaesse, c' est on grand (40-50 cm) oujhea del famile ås coirbås (coirbidîs), avou des noerès lujhantès plomes sol coir, et des blankès plomes sol vinte eyet åd dvibout des aiyes.
Agaesse | ||||||||||||
---|---|---|---|---|---|---|---|---|---|---|---|---|
agaesse | ||||||||||||
Rindjmint sincieus | ||||||||||||
| ||||||||||||
No e sincieus latén | ||||||||||||
Pica pica |
Cåze di ces coleurs on l' ricnoxhe åjheymint.
Sincieus no d' l' indje : Pica pica
Les agaesses magnèt copurade des ptitès biesses et des insekes, mins eto des fruts et grinnes di totes sôres.
Come les ôtes coirvidîs, les agaesses sont foirt curieuses, cisse dujhance fwait k' on l' dit hapeuse di ptits blinkantès sacwès.
Viè l' kimince do moes d' avri, les copes d' agaesse costrujhèt leus nis, dins des plaeces hôt metowes dins des åbes ou des bouxhons.
Ci ni la est fwait avou des setchès coxhetes, des fistous, et des crins, avou come ene sôre di toet pol waeranti. Cisse cogne la, cåzu tote ronde, fwait k' on les pout prinde po des boles di hamustea.
Li frumele pon troes a dijh oûs k' ele va cover leye seule so ene termene di cåzu troes samwinnes. Après l' askepiaedje des poyons, i vont dmorer e ni po cwate samwinnes a pô près, et c' est les parints k' elzès nourixhèt.
L' agaesse, est foirt corante dins tote l' Urope, mins eto e l' Azeye, e l' Afrike bijhrece eyet e l' Amerike bijhrece.
Elle voet voltî les plaeces wice k' i gn a des ptits bwès, les djårdéns et les parks.
Gn a-st a Djiblou ene "rue de l'agasse". Mins ci sereut cobén on rcomprindaedje di agåjhe[1], insi k' å Rou-dlé-Tchålerwè.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.