Viyance

Viyance (avår la, Viance; fr: Villance), c' est èn ancyin ptit ban del Walonreye, rebané dins l' Grand Libin, el province do Lussimbork.

Eglijhe

Viance

Mwaissès dnêyes

• Limeros del posse :
  • asteure : 6890
  • davance : 6911
• Limero diyalectolodjike : Ne 23
• Arondixhmint : Li Tchestea
• Lomaedje et spotaedje des djins did la :
  • Lomaedje : Viyancinîs (Viancinîs), Viyancinires (Viancinîres) u Viyancinresses (F. Villançois, oise)^[1]
  • Sipotaedjes:
    • les Pele-panse, u les Grossès Panses (assez grossî, mins ki rime).
    • les Graevîs (radoûcixhant, mins ki n' rime nén).

Rime-rame

A Our, li diåle î court; a Maissin, on l' ratind; a Viyance, on lyi fote so s' panse; a Transene, on lyi fote so s' schene; a Smu, on lyi fote so s' cou et ås Libins, on l' pind.

Sacwants nos d' plaeces di Viyance

Loukîz sol pådje tote seule

Istwere

Li vî ban di Viyance (Viyance lu-minme, Transene, Les Libins, Smu, et, tenawete Ridû et Maissin) aveut stî rashonné pås moennes di l' abeye di Prum (Prüm, asteure e l' Almagne). Il est dedja cité avou tos ses contes feyodås dins l' poliptike di Prum (893).^[2]

Del Mîtrinne Ådje, i dpindeut del signorreye di Mirwå.

Li tchestea d' Viyance esteut el plaece di l' eglijhe d' asteure. El sacristeye, gn a co des dales avou des dates.

Economeye

Industreyes (e 2004)

• deus soyreyes.
• ene munujhreye.

Tchapele dol voye di Maissin (clitchîz po-z agrandi)

Tuzance

Ricwerances so l' istwere.

Li soce d' istwere et des vî alaedjes do ban des Libins si lome Villancia.

Tuzance walone

Sicrijheus e walon: Ernest Benoit; Pierre Otjacques (ki provént d' Glaireuse). C' est a Viyance ki Lucyin Mahin a skepyî.

Commons

I gn a so les cmons Wikipedia des imådjes ou fitchîs son a vey avou Viyance .

1. Jean Germain Avis de recherche : Wallons, comment vous appelez-vous, Vers l'Avenir, 24 d' octôbe 2007.
2. http://polycarolingien.free.fr/article.php3?id_article=18