From Wikipedia, the free encyclopedia
Sjette (sjèite, breiwulle) is droad gemakt vo mee te breien. D'oude Fransche noame vo breiwulle is sayette.[1]
| West-Vlamsche streekvariantn | |
|---|---|
| Nederlands woord | |
| Breiwol | |
 | |
| Streekvariant | |
| Uutsproake | Toale |
| sjette sjèite sjette |
Blanknbergs Brugs Kortryks Ostends Poperiengs Roeseloars Tielts Veurns Werviks Woaregems Ypers |
Traditioneel was sjette surtout gemakt van wulle, moar er bestoat ôok sjette met êen of mêerdre groundstoffn lik vlas, hennep, katoen, zyde, viscose, acryl, polyester, polyamide. Vôorbeeldn van 't gebruuk zyn: ne sjettne boai, een sjettne mutse of toappe, enzovôors.
In de figeurlikke betêeknisse klappn ze van: ie gaf sjette, me mostn sjette geevn voer ip tyd te zyn. In et AN spreekn ze van katoen geven. Met andre woordn: joun beste doen, sprintn, goed avveseern, buzze geevn, slunse geevn.
"Sjette" verwyst hier noa de lonte in wulle of katoen van een olielampe. Deur lonte te geevn wordt de vlamme grotter.[2]
Der bestoat ôok een woordspelienge die zegt: Een schoap gift wulle en nen buk gift sjette, moa da latste sloat up etwod anders.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
