From Wikipedia, the free encyclopedia
E kobbenette es e nette die deur kobbn wierd gemakt voun vliegn en aar fernient te vangn.
Kobbn weevn ulder nette met ulder achterlyf. De droadn zyn gemakt van een byzoundere eitwitachtige stoffoasje, woavan dat de juuste soamnstellienge nog nie gekend es. Surtout de sterkte van de droadn es ipmerkelik. E kobbedroad es a peu près drie kêers zo sterk lik nen stoaldroad van dezelfste dikte. Ne kobbedroad es oungeveer 0,0001 mm dikke. Nen droad van ongeveer 3 cm zoudt nen vliegendn boeing in vulle voart kunn teegnoudn.[1]
G'ed verschilligge sôortn netten:
De mêeste kobbn moakn ulder nette gelyk volgt:
Êest spuut ze e droad van den êenn tak noar 'n andern tak. Met e goei luchtstromienge en e betje sjanse plakt dien droad em vaste an de juustn tak. Ze kruupt over den droad en weeft nen nieuwn, minder plakkerign droad derover voun te verstevign. Oat dien droad ne kêer goe vaste angt, ku ze begunn en es 't belangrykste eigntlik oal gedoan, want an dien droad angt de hêle nette.
Toun makt ze de zydroadn, êen noa beneedn en e poare oal de zykantn woa da z'an kut. Uutendelik weeft ze toun den binnkant van de nette met plak- en lôopdroad.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.