Cook-Golve

De Cook-Golve (Iengels : Cook Inlet) is e zêe-oarm in zuudlik-sentroal Alaska die êm uutstrekt oovre 180 km van de Golve van Alaska toe an de stad Anchorage. De Cook-Golve splitst in de Knik-Tak en in de Turnagain-Tak ip zyn nôordlik uutende, en die twêe takkn oemriengn Anchorage bykans hêelegans. 't Ofwoatriengsbekkn van 't gebied besloa roend de 100 000 km² in zuudlik Alaska, ten ôostn van d' Aleutn-Bergkeetn en te zuudn van d' Alaska-Bergkeetn, en 't kryg woatre van zyn zyrieviern de Knik-Rieviere, de Klêene Susitna-Rieviere, de Susitna-Rieviere en de Matanuska-Rieviere. 't Ofwoatriengsbekkn bevat dêeln van de Denali-Berg (vroegre genoamd de McKinley-Berg). In 't ofwoatriengsbekkn zyndr verschillnde nasjonoale parkn en de wêrknde vuulkoane Mount Redoubt, tegoare mê andre iestôoriesche werknde vuulkoann ^[1]. De Cook-Golve gift bevoarboare toegank no den oavn van Anchorage ip 't nôordlik uutende, en no de klindrn oavn van Homer mêer no 't zuudn. Apeupri 400 000 menschn leevn in 't woatrbekkn van de Cook-Golve. Vôo da Anchorage zo belangryk gewordn is, was Knik de bestemmienge vo de meste scheepn in 't nôordlik gedêelte van de Cook-Golve.

Dat artikel es geschreevn in 't Noordelik West-Vlams.

---

Cook-Golve mê ze twêe vertakkiengn.

't Zuudwestlikke uutende van Elizabeth-Eiland ligt ip de schiddienge tusschn de Cook-Golve en de Golve van Alaska.

Zied ook noa

• Boreoale busschn roend de Cook-Golve

Eksterne koppliengn

• (en) Gulf of Alaska (The Encyclopedia of Earth).

Verwyziengn

<references>

1. (en) Cook Inlet-South Central Alaska map and volcano list, Alaska Volcano Observatory.