Bergn (Frans: Bergues, Nederlands: Sint-Winoksbergen) es e stadje in Vrankryk in't Noorderdepartement. 't Ligt in Frans-Vloandern in't Blootland. 't Grenst an de gemêentn Tetegem-Koukerke, Ooimille, Kwoadyper, Soks en Bieren.
 BergnBergues | |
|---|---|
 | |
 Bergn in't arroundissement Duunkerke | |
| Geografie | |
| Regio | Hauts-de-France |
| Departement | Noorderdepartement |
| Arroundissement | Duunkerke |
| Kanton | Nieuw-Koudekerke |
| Coördinoatn | 50°58′NB 2°26′OL |
| Ippervlak | 1,32 km² |
| Inweuners | |
| Inweuners | 3805 (2015) 2883 inw./km² |
| Andere | |
| Burgemêester | Sylvie Brachet |
| Postcode | 59380 |
| Webadres | Officiëln site van Bergn |
Bergn ligt 9 kilomeèters ten zuudn van Duunkerke en 15 kilomèiters o de westkant van De Schreve. Platselyk stoat bekend lyk "'t ander Brugge in Vloandern". Bergn wos de lokoasje vo de Fransche film Bienvenue chez les Ch'tis.
Geschiedenisse
't Stadje zyn noame was ôorsprounkelik Groenberg. Volgens de legende kwaam Sint-Winok, de zeune van een Bretoensen keunienk noa Groenberg, een heuvel an de rand van de kustmoerassn. Gelydelik hèt em dadde in een klêen abdytjie ontwikkeld.
In 882, on de Vikingn begostn 't land binn'n te volln, hèt Boudewyn II van Vloandern versterkiengn round Bergn gebouwd. Loater, in 1022, hè Boudewyn IV van Vloandern de Sint-Winokskerke gebouwd en der de relikwieën van Sint-Winok in begroavn.
De nabyheid van de zêe, die nog nie toet an Duunkerke haat weregetrokkn, den abdy en den burcht die in 1028 gebouwd was maktn Bergn d' ideoale plekke voar een handelsplatse. In 1240 kreeg Bergn een stadskeure en wierd een center voa den textielhandel, met een wullemarkt die begost in 1276. Bergn was ook een lid van de Hanzekoopmansgilde en toogde zyn onafhankelikheid met den bouw van een belfort.
In 1583 was Bergn veroverd deur Alexander Farnese voa Filips II van Spanje, en loater, in de Vrede van Aaken an Vrankryk overgeloatn. Lodewyk XIV bouwdige Duunkerkn uut as een haavn, en doamee begost Bergn zyn ofgank.
Bergn was verwoest deur een bombardement in den êeste weirldôrloge, en were in 1940 gedeurende de Slag van Duunkerkn.
Teegnover 't g'industrialiseerd Duunkerkn doet Bergn mêer een ryk verleedn peizn, en in de latste joarn is 't toeriesme van belang gewordn. Da was voarol angewakkerd deur 't succes van de Franse film Bienvenue chez les Ch'tis, die in Bergn was gezet.
Zichtn
- 't Belfort is Bergn zyn belangrikste monument. 't Was begonn'n in de 13e êeuwe, en was herbouwd achter de Franse invoasie in 1383 en were in de 16e êeuwe, en gerestaureerd in de 19e êeuwe. j' Is ton were herbouwd achter dat je volledig was vernield in de twiddn weirldôrloge. 't Is nu geklasseerd as an UNESCO weirlderfgoed sinds 2005 as êen van historische belfortn van België en Vrankryk.
- De stadsmeurn, 5300 meters lange, zyn dêels middelêeus en dêels gebouwd deur den Fransen architect Vauban.
- Den abdy was in de Franse revolutie in 1789 vernietigd, en ollêene the marmeren deure en twi torrn bluuvn over.
't Belfort met 50 klokkn. 
't Stadhuus 
De Kasselpôorte. 
St.Moartenskerke. 
De "Scherpe Torre" en de "Vierkante Torre" van de Sint-Winoksabdy. 
De "Scherpe Torre" van de Sint-Winoksabdy. 
De stadsmeurn, 5300 meters lank, hèn de stad voa vuuf êeuwn oumcirkeld. 
't Belfort van Bergn (2004).
 |
Ofbeeldiengn die ier by passn ku je vien in de categorie Bergues van Wikimedia Commons. |
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
