From Wikipedia, the free encyclopedia
De Aare is e zyriviere van de Reyn en de grotste riviere die hêlegans up 't groundgebied van Zwitserland lopt. De riviere is 291 kilometer lank en hèt e strôomgebied van 17.779 km². Hoewel dat de Aare e zyriviere van de Reyn is, vervoert ze toch mêer woater of de Reyn.
De Aare begunt in 't "Berner Oberland" up de "Aaregletsjer" an de voet van de "Finsteraarhorn" die dêel uutmakt van de "Berner Alpn". In nôordwestelyke richtienge strôomt de riviere deur 't "Haslital". Halverwege 't dal passeert de Aare e klove, de "Aareschlucht". By "Brienz" strôomt de riviere in 't "Meer van Brienz", die by "Interlaken" in verbiendienge stoat met 't "Meer van Thun". Vanof "Thun" strôomt de Aare verder in nôordwestelyke richtienge.
De riviere passeert d'n ôofdstad Bern, pakt de "Saane" up en wordt by "Aarberg" via 't "Aarekanoal" noar een derde meer geleid: 't "Meer van Biel". Ôorsprounkelyk volgde de riviere e mêer ôostelyke koers en liet de Aare 't meer lienks liggn. Ten westn van "Solothurn" bereikt de riviere heur ôorsprounkelyke beddienge were en lopt doar noa 't nôordôostn, evenwydig an de "Jura", die ze schidt van de "Zwitsersche Hoogvlakte". Up die route pakt de Aare de "Emme" up en voby "Oltn" en "Aarau" ôok de "Reuss", vodat de riviere by "Koblenz" achter 291 km in de Reyn uutmoundt. De beneednlôop lopt deur 't kantong "Aargau", die juste lik de stee "Aarau" achter de Aare is genoamd.[1]
 |
Ofbeeldiengn die ier by passn ku je vien in de categorie Aare van Wikimedia Commons. |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
