From Wikipedia, the free encyclopedia
De Keunekapelle is e kapelle in 't Baldje (Koksyde) an de Vlamsche Kust, nu gebruukt vor exposiesjezoale.
De kapelle is in 1906 gebouwd in de duunn deur de familie Lafosse, grôotgroundbezitters uut Brussel die e villa bezoatn der teegnover. De styl is g'inspireerd ip de witgekalkte visschershuzetjes mè gerespecteerd dunereliëf en flora.
Deekn Ostyn uut Veurn et den 13ste juli 1907 de kapelle gewyd en oopngesteld vor êeredienstn.
Binst den Êeste Weireldoorloge diende de kapelle vo parochiekerke vo de vluchteliengn uut Nieuwpoort. Deur 't ipkommn van 't tourisme in de joarn dertig kwam de kapelle te klêene en mostn der vele verlofgangers buutn stoan vo de messe te volgn. In 1935 is de kapelle geslootn, angezien dat er e nieuwe en grottere kapelle gebouwd was in de Strandloane. De Keunekapelle kwam eigndom van e kunstnoare die 't vor atelier gebruukte.
De Keunekapelle è moa zyn noame gekreegn in de joarn 1940 en wierd azo genoemd deur de vele keuntjes die doa roundliepn in de duunn.
Den dag van vandoage is de Keunekapelle eigndom van 't gemêentebestier van Koksyde en wordt 't gebruukt vor exposiesjezoale. In 2000 wierd er e park mè beeldn angeleid round de kapelle. Sedert 7 november 1985 is de Keunekapelle e beschermd monument.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.