Dune

Een dune is een euvel van fyn zand, ountstoan deur de wind. D'r zyn duunn langs de kust, langs riviern of in de woestyne. Een dunepanne is een komvormige diepte in een dune.

Duunn an de Vlamsche kust

Vlamsche zêeduunn

De duunn langs de Vlamsche kust moakn dêel uut van een stroke die lopt van Noord-Frankryk, Vloandern, Olland en de Duutsche waddn tout in Denemarkn. Ze zyn ountstoan deur invloed van zêe, wind en begroeiinge. Ze zyn van belang vo ’t achterland te beschermn teegn overstrominge en wordn doavôorn ook styf goed ounderoudn. Deur ‘t inplantn van helmgras wordt de angroei van de duunn bevorderd. ’t Landschap an de kust is styf gevarieerd met vele sôortn plantn en bêestn. Deur zand, regen, wind en plantngroei zyn de duunn constant in beweginge.

Nateurgebied

Den Ôogn Blekker in Koksyde

• Tusschn Cadzand en Knokke, ip de grenze van België en Olland, zyn de duunn ounderbrookn en is ‘t Zwin ountstoan.
• Den Ôogn Blekker, die z’n noame gegeevn et an ‘t nateurreservoat in Koksyde, is d’oogste dune an de Vlamsche kust.
• De Fonteintjes is een nateurgebied in de duunn tusschn Blanknberge en Zêebrugge.
• Ten zuudn van De Panne, ip de grenze van België en Frankryk ligt ‘t nateurreservoat “De Westhoek”.

Ofbeeldiengn die ier by passn ku je vien in de categorie Dunes van Wikimedia Commons.