Francesco Petrarca
From Wikipedia, the free encyclopedia
Francesco Petrarca of in 't korte Petrarca (20 juli 1304 – 19 juli 1374), was 'n Italjoansche gelêerde, schryvre en dichtre uut de Renaissance, en êen van d' êeste humaniestn. Petrarca's êroentdekkienge van Cicero's brievn wordt dikkers bekêekn lik 't begun van de vêertiendêewsche Renaissance. Petrarca wordt nogoal e kêe de "Voadre van 't Humaniesme" genoamd [1]. In de zestiend êewe lei Pietro Bembo de groendvestn vo de teegnwôordige Italjoansche toale; y steunde doaby ip de werkn van Petrarca, en ip dedie van Giovanni Boccaccio, en in mindre moate, van Dante Alighieri [2]. Petrarca zoe loatre lik 't toppunt vo de Italjoansche styl anzien zyn deur de Accademia della Crusca (Italjoansche Toal-Akademie). Petrarca's sonnetn wierdn bewoenderd in heel Europa in de tyd van de Renaissance en wierdn e model vo de lyriesche dichtkunste. Y is ook bekend vo 't feit datn de noame "Doenkre Êewn" (d.w.z. Middelêeuwn) gelanceerd êt [3].