Fernando Álvarez de Toledo
From Wikipedia, the free encyclopedia
From Wikipedia, the free encyclopedia
Fernando Álvarez de Toledo, bygenoamd den Yzern hertog, (Piedrahita (Avila), 29 oktober 1507 - Lissabon, 11 december 1582), was de derdn hertog van Alva (Spoans Alba), de belangrykstn generoal van Spanje en landvoogd van de Nederlandn in ‘t begun van de Tachtigjoarign Oorlog. Zyn Bloedroad en keihard wrêed besteur verergerde nog den ipstand in de Nederlandn, en leidde uutendelik toet de Republiek der Zeevn Verenigde Provinciën.
| 1507 – 1582 | ||||||
|---|---|---|---|---|---|---|
 | ||||||
| hertog van Alva | ||||||
|
||||||
| landvoogd van de Nederlandn | ||||||
|
||||||
|
Fernando Álvarez de Toledo stamt uut ’t huus Alba en was de zeune van Don Garcia Álvarez de Toledo en Beatriz de Pimentel. Ols kiend krêegt ‘n ol lesse in militaire krygskunde en politiek van zyn grotvoader Fadrique, de twiddn hertog van Alva.
Keizer Karel V steldeg' hem in 1535 an ols bevelhebber van zyn Spoansche veldtochtn. En loater kwamt ’n ôok in dienst van Filips II.
Achter de Beeldnstorm stelde Filips II Alva an ols landvoogd. Je mocht ip zyn maniere korte mettn moakn mè den ipstand. In ogustus 1567 vertrokt ie met e leger van 10.000 soldoatn van Spanje no de Nederlandn en je richtte doar in Brussel de Road van Beroertn ip, nie vo nieks de Bloedroad genoemd. ’t Was e sôorte rechtbank woa dan de ketters en ipstandige protestantn veroordêeld wierdn. Wien dat er hem verzette teegn ’t Spoans regime wierd ofgeslacht. Der woarn à peu près 1100 executies. De groavn Egmont en Horne woarn by d’êeste slachtoffers. De 5dn juni 1568 wierdn ze in Brussel publiekelik oenthoofd ols voorbeeld.
Olgauwe gerakte de schatkist uutgeput en Alva riep de Stoatn Generoal byêen vo drie nieuwe belastiengn in te voern, w.o. de Tienstn Pennink, vo de bezettienge te betoaln. Da verôorzakte ’n enorm volksprotest.
De geuzn verweirdn under mè vele succes en d’harde lyne van Alva haad achter zes joar oavereks gewerkt. Achter veel teegnsloagn wierd ’n in 1573 were g’hoald no Spanje.
De 17stn oktober wierd ’n ipgevolgd deur Luis de Requesens y Zúñiga, die loater de Road van Beroertn en de Tienstn Pennink ofschafte.
O Portugal in ipstand kwam teegn de Spanjoardn wierd Alva were angesteld deur Filips II en benoemd toet ipperbevelhebber. In 1580 veroverdeg't ie Lissabon en je zette de leider van den ipstand uut ’t land. Filips II kost azo keunienk van Portugal wordn.
Kort achter ’t neresloan van dien ipstand is Alva gestorvn.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
