Smit Adam

Adam Smit (angl.: Adam Smith; sünd. 16. kezaku 1723, Kerkoldi-lidn, Šotlandii, Sur' Britanii — kol. 17. heinku 1790, Edinburg, Šotlandii, Sur' Britanii) oli šotlandijalaine ekonomist, filosof, tedotöiden tegii. Nügüd'aigaižen ekonomižen teorijan (politine ekonomii) üks' alusenpanijoišpäi.

Smit Adam
angl.: Adam Smith
Adam Smitan portret (tundmatoi pirdai «The Muir portrait»-allekirjutesenke, läz 1800)
radmižen toižend:	majandusteadlane, non-fiction writer, filosof, kirjutai, õppejõud, French moralist, kirjastaja
sündundan dat:	ei ole möhemba mi 5 (16) kezaku 1723
sündundan sijaduz:	Kirkcaldy[d], Fife[d], Šotlandii, Suurbritannia kuningriik[d][1]
valdkund:	Suurbritannia kuningriik[d]
kolendan dat:	Lua tõrge kohal Moodul:Sources 199. real: attempt to concatenate local 'letter' (a nil value).
kolendan sijaduz:	Edinburg, Suurbritannia kuningriik[d][1]
tat:	Adam Smith[d][2][3]
mam:	Margaret Douglas[d][4]
avtograf:
Smit Adam VikiAitas
Om sädusid VikiPurtkiš

Biografii

Adam Smit openui Glazgon universitetas (vspäi 1737), sid' Oksfordan Balliol-kolledžas (1740−1746). Oli ranu anglijalaižen literaturan da londuseližen oiktusen opendajan Edinburgan universitetas (1748−1751), sid' oli pandud logikan professoran Glazgon universitetha (1751−1763), radoi sen rektoran elon lopus (1787−1789).

Tedoradmine

Smit kirjuti znamasižid tedotöid, kaikiš tetabad oma «Moral'mujandoiden teorii» (1759, kudenz' pästand 1790, angl. The Theory of Moral Sentiments) da «Tedoiduz rahvahiden elokahusen süiš» (1767−1776, vižpalaine, videnz' pästand 1789, angl. An Inquiry into the Nature and Causes of the Wealth of Nations). Adam Smitan «torgusen nägumatoi käzi»-virkand tegihe paksus kävutadud aforizmaks: hot' edheotajad napridas egoistižikš sada ližad täutten kulutajiden tarbhaižusid, ka todesižikš se vedab kaikid änikoičendale.

Adam Smit oli tundmusiš elänuzidenke Glazgos Devid Jumanke (filosof), Džozef Blekanke (edelmatkai himijas), Džeims Uattanke (melestegii-mehanikantedomez'), Robert Foulisanke (pästandkodin pämez', dizainer), pagiži šotlandijalaižidenke edheotajidenke, kudambad ühtniba Anglijan torguindha kaiked mail'madme ühtenzoittud britanižen kunigahusen sädandan jäl'ghe vspäi 1707.

Personaline elo

Filosof eli naimatoman, jäi lapsetoman, navedi šotlandišt kul'turad.