From Wikipedia, the free encyclopedia
Slavsk (ven.: Славск, saks.: Slawsk, litv.: Gastos / Slavskas, pol'š.: Sławsk / Jędrzychowo; edel 1946. vot Hainrihsval'de, saks.: Heinrichswalde «Genrihan mec») om Venäman lidn Kaliningradan agjan pohjoižes. Se om Slavskan lidnümbrikon administrativine keskuz.
Lidnanznam.png) | |
| Valdkund | Venäma |
| Eläjiden lugu (2020) | 3,984 ristitud |
| Pind | 10 km² |
 | |
| Pämez' | Jelena Matvejeva (reduku 2020—) |
| Telefonkod | +7−40 163-xx-xxx |
| Avtokod | 39, 91 |
| Aigvö | UTC+2 (MSK−1) |
Eländpunktan aluz om pandud vl 1292. Vspäi 1890 om mineralveden kurortaks. Vl 1891 «Königsberg — Til'zit»-raudte läbiti žilod. Vl 1939 sai lidnan statusad. Suren sodan aigan Rusked Armii anasti lidnad torata vn 1945 20. päiväl vilukud. Udesnimitihe «hoštajan vägestusen vihanikoiden päl oiktastuseks».
Slavsk šingotase sömtegimišton edheotandoil (maidproduktad, lihaedheotand, leibän pästand) i elektropaloiden[1] tegimel, mugažo kurortaks.
Lidn sijadase kaks' metrad ü.m.t. keskmäižel korktusel. Matkad Litvanman röunhasai om 15 km pohjoižpäivnouzmha orhal, lähembaine kontrol'punkt sijadase Sovetskas (lähembaine lidn) 16 km päivnouzmha kaikil teil. Matkad Kaliningradhasai om 120 km suvipäivlaskmha kaikil teil. Uz' Slavsk-raudtestancii (ven.: Славск-Новый) om sauptud, vaiše seižutez om lidnas.
Vn 2010 Venäman rahvahanlugemižen mödhe eläjiden lugu oli 4 614 ristitud, lidnümbrikon videndez. Kaik 4 145 eläjad oli lidnas vl 2017. Kaikiš suremb lidnan ristitišt oli 5 172 eläjad vl 2002.
Hristanuskondan koume pühäpertid oma olmas lidnas, niiden kesken ortodoksižen hristanuskondan ph. Ioann Kronštadtalaižen puine jumalanpert'[2] vspäi 2014, katoline i lüteranine.
Professionaližen opendusen aluzkundad ratas lähembaižiš lidnoiš.
Edeline lidnümbrikon pämez' om Igor' Rudenkov (reduku 2015 — reduku 2020).
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
