From Wikipedia, the free encyclopedia
Sim (ven.: Сим, bašk.: Эҫем, tot.: Сем) om Venäman lidn da lidnankund Čeläbinskan agjan päivlaskmaižes sarakos. Mülüb Ašan rajonha, sen kahtenz' surtte lidn koumespäi.
Lidnanznam![]() | Flag![]() |
Valdkund | Venäma |
Eläjiden lugu (2020) | 12,501 ristitud |
Pind | 33 km² |
![]() | |
Pämez' | Aleksei Rešetov (tal'vku 2015—) |
Telefonkod | +7−35 159-xx-xxx |
Avtokod | 74, 174 |
Aigvö | UTC+5 (MSK+2) |
Eländpunktan aluz om pandud vl 1759 anastadud baškiran territorijal kuti žilo sauvomha da holitamha Katav-Ivanovskan kaugedraudan Siman tagondtegint, nimitihe jogen mödhe. Žilon nimituz oli Siman tegim (ven.: Симский Завод) vhesai 1928. Suren sodan aigan Moskvan aviacine tegim oli sirtud sihe. Radnikžilo sai lidnan statusad vn 1942 13. päiväl kül'mkud.
Sim šingotase agregatoiden tegimel aviacijan i avtoiden täht (givravlik, poltuztehnik).
Lidn sijadase rajonan päivnouzmaiženno röunanno, Sim-jogen alangištos (bašk.: Эҫем 239 km pitte, Kaman hurapol'ne bassein), 312 m ü.m.t. keskmäižel korktusel. Lähembaižed lidnad oma Ust'-Katav päivnouzmha, Aš päivlaskmha i Min'jar lodeheze.
«Čeläbinsk — Uf»-avtote (M5-trass) mäneb 1 km pohjoižhe lidnaspäi. Lähembaine raudtestancii om Simskai (ven.: Симская) 6 km pohjoižhe orhal vai avtotedme.
Karagank- (ven.: Караганка, 58 rist. vl 2010) i Kolosleik- (ven.: Колослейка, 23 rist. vl 2010) žilod mülüdas lidnankundha Siman ližaks. Lidnankundan pind — 506,82 km².
Vn 2010 Venäman rahvahanlugemižen mödhe lidnan eläjiden lugu oli 14 466 ristitud, lidnankundan — 14 547 ristitud. Kaikiš suremb lidnan ristitišt oli 20..21 tuhad eläjid vll 1979−1992 (21 329 rist. vl 1979). Kaik 13 251 ristitud elihe lidnankundas vl 2017.
Rahvahad (2010): venälaižed — 93,5%, totarlaižed — 2,8%, baškiralaižed — 2,0%, toižed rahvahad — 1,7%.
Professionaližen opendusen aluzkund om Siman mehanine tehnikum.[1]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.