From Wikipedia, the free encyclopedia
Petuhovo (ven.: Петухово) om Venäman lidn da lidnankund Kurganan agjan päivnouzmas. Se om Petuhovon rajonan administrativine keskuz.
Lidnanznam | |
| Valdkund | Venäma |
| Eläjiden lugu (2021) | 9,916 ristitud |
| Pind | 25 km² |
 | |
| Pämez' | Aleksandr Gudkov (sügüz'ku 2017—) |
| Telefonkod | +7−35 235-xx-xxx |
| Avtokod | 45 |
| Aigvö | UTC+5 (MSK+2) |
Eländpunktan aluz om pandud kuti Judino-žilo (ven.: село Юдино) vl 1779. Panihe Petuhovo-raudtestancijan alust vl 1892 i saudihe Transsiban «Kurgan — Omsk»-keskustad vodele 1894. Vn 1942 redukus kätihe Judinod radnikžiloks. Vn 1944 16. päiväl keväz'kud žilo sai lidnan statusad, udesnimitihe raudtestancijan mödhe.
Petuhovo šingotase valamižmehanižel tegimel[1] (kärauzimed, vedimiden i raudterividen paloiden tehmine) i konditerižiden tegesiden edheotandal.
Lidn sijadase Išiman tazangištol, 135 m ü.m.t. keskmäižel korktusel. Matkad Kazahstanan röunhasai (Pohjoižkazahstanan agj) om 10 km suvhe orhal vai 25 km päivlaskmha raud- i avtoteidme, Kurganhasai om 168 km päivlaskmha orhal, 187 km avtol vai raudtel. Lähembaižed lidnad oma Makušino 43 km päivlaskmha orhal, 55 km «Irtiš»-avtotrassadme (R-254) vai Transsib-raudtedme, i Mamlütk (Kazahstan) 44 km päivnouzmha orhal i Transsib-raudtedme vai 61 km avtotedme. «Irtiš»-trass om lidnan pohjoižröunaks.
Petuhovo om lidnankundan üks'jäine eländpunkt. Lidnankundan pind — 40,76 km².
Vn 2010 Venäman rahvahanlugemižen mödhe eläjiden lugu oli 11 292 ristitud, rajonan koume videndest. Kaikiš suremb lidnan ristitišt oli 15 100 eläjad vl 1996.
Ortodoksižen hristanuskondan Jumalan nägundan pühäpert' om saudud vll 2009−2014.
Petuhovon maižandusen mehanizacijan da elektrifikacijan tehnikum om professionaližen opendusen aluzkundaks.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
