From Wikipedia, the free encyclopedia
Kečkemet (mad'j.: Kecskemét [ˈkɛt͡ʃkɛmeːt], latin.: Aegopolis) om lidn Mad'jaranman keskuzpalas. Se om Bač-Kiškun-agjan administrativine keskuz, valdkundan kahesanz' lidn eläjiden lugun mödhe.
Lidnanznam
| Flag |
| Valdkund | Mad'jaranma |
| Eläjiden lugu (2021) | 109,651 ristitud |
| Pind | 322,57 km² |
 | |
| Pämez' | Klaudija Pataki Semereine (kezaku 2014—, Szemereyné Pataki Klaudia) |
| Telefonkod | +36-(0)76 |
| Aigvö | tal'vel UTC+1, kezal UTC+2 |
Amuine eländpunkt oli pandud mantazole 13. voz'sadan mongoližel vägitungendal. Udessündutihe sidä teravas hüvän sijadusen tagut, i Laioš Sur'-kunigaz andoi Kečkemetale lidnan oiktusid vl 1348. Nimituz libub mad'jaran kecske-sanaspäi «ižakoza» i kuvastab regionan živatvodindan edeližid veroid.
Kečkemet šingotase Mercedes-Benz-kompanijan avtotegimel (100 tuhad avtoid vodes), avtopaloiden i kabeliden tehmižel, logistikan «Duvenbeck IMMO»-kompanijal, sömtegimištol (paštatesen tegim, konservtegim).
Lidn sijadase agjan pohjoižes, 102 m ü.m.t. keskmäižel korktusel. Matkad Budapešt-pälidnhasai om 86 km lodeheze-pohjoižhe.
Kečkemet-raudtestancii radab lidnas, aigad Budapeštaspäi jonusel om 1 čas 20 minutad.
Klimat om ven kontinentaline subtropižen klimatan röunal. Keza om hätkeline räk. Voden keskmäine lämuz om +11,2 C°, kezakun-elokun +20,4..+22,2 C°, tal'vkun-uhokun −0,3..+1,5 C°. Ekstremumad oma −23,7 C° (viluku) i +41,1 C° (heinku). Kezaaigan minimum om +4,4 C° (kezaku), tal'vaigan maksimum om +20,5 C° (uhoku). Ei voi panda halad kezakus-sügüz'kus (sügüz'kun minimum om +0,7 C°). Paneb sadegid 540 mm vodes, enamba semendkus-heinkus (60..72 mm kus), vähemba vilukus-sulakus (26..34 mm kus). Paneb lunt 26 päiväd tal'ves. Kun keskmäine relätivine nepsuz vajehtase 61..67 % röunoiš keväz'kus-uhokus, 83..85 % kül'mkus-vilukus.
Vl 2011 Mad'jaranman rahvahanlugemižen mödhe lidnan eläjiden lugu oli 111 411 ristitud. Kaikiš suremb lidnan ristitišt oli 114 226 eläjad vl 2012.
Edeline lidnan pämez' om Zombor Gabor (2006−2014, Zombor Gábor).
 |
Kečkemet Vikiaitas |
| Mad'jaranman agjad da niiden administrativižed keskused | ||
| Bač-Kiškun (Kečkemet) | Baran'j (Peč) | Bekeš (Bekeš'čab) | Boršod-Abaui-Zemplen (Miškol'c) | Čongrad-Čanad (Seged) | D'jor-Mošon-Šopron (D'jor) | Fejer (Sekešfehervar) | Haidu-Bihar (Debrecen) | Heveš (Eger) | Jas-Nad'kun-Sol'nok (Sol'nok) | Komarom-Estergom (Tataban'j) | Nograd (Šal'gotarjan) | Pešt (Budapešt) | Sabol'č-Satmar-Bereg (N'jired'haz) | Šomod' (Kapošvar) | Zal (Zalaegerseg) | Tol'n (Seksard) | Vaš (Sombathei) | Vesprem (Vesprem-lidn) | ||
| tazostadud agjaha lidn — Budapešt | ||
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
