From Wikipedia, the free encyclopedia
Bolotnoje (ven.: Боло́тное) om Venäman lidn da lidnankund Novosibirskan agjan pohjoižpäivnouzmas. Se om Bolotnojen rajonan administrativine keskuz.
Lidnanznam
| Flag |
| Valdkund | Venäma |
| Eläjiden lugu (2021) | 15,644 ristitud |
| Pind | 73,05 km² |
.jpg) | |
| Pämez' | Sergei Kravec (keväz'ku 2020—) |
| Telefonkod | +7−38 349-xx-xxx |
| Avtokod | 54, 154 |
| Aigvö | UTC+7 (MSK+4) |
Eländpunktan aluz om pandud vl 1805 Bolotnoje-küläks počtstancijanno Moskvan traktal, mainitase mugažo kut Bolotninskoje. Vl 1896 Transsiban sauvomine tuli žilho, i Bolotnai-raudtestancii radab. Vspäi 1931 oli radnikžiloks. Vn 1943 12. päiväl kül'mkud anttihe sile lidnan statusad. Suren sodan aigan sijatihe Bolotnojehe evakuiruidud ristituid Ukrainaspäi i omblendfabrikad Ukrainan Nikolajev-lidnaspäi.
Bolotnoje šingotase raudten edheotandoil, sauvondmaterialiden pästandal (savič), omblendfabrikal, kartonpakuiteztegimel.
Lidn sijadase Lavin-jogen i sen penen vezivaradimen oiktal randal (ven.: Лавина, Tomin hurapol'ne bassein), Päivlaskmaižen Sibirin tazangišton suvipäivnouzmas, 200 m ü.m.t. keskmäižel korktusel.
«Sibir'»-avtote (R-255) om Bolotnojen suviröunaks. Matkad Kemerovon agjhasai om kümne kilometrad päivnouzmha orhal, Novosibirskhasai om 117 km suvipäivlaskmha orhal, 132 km avtol vai 123 km raudtedme. Lähembaine lidn om Jurg (Kemerovon agj) 30 km pohjoižhe orhal vai Transsibadme, 50 km avtol.
Klimat om ven kontinentaline. Voden keskmäine lämuz om +1,3 C°, kezakun-elokun +15,9..+18,9 C°, tal'vkun-uhokun −14,3..−16,6 C°. Paneb sadegid 511 mm vodes, enamba kezakus (65 mm) i heinkus (72 mm), vähemba vilukus-keväz'kus (20..27 mm kus).
Bolotnoje om lidnankundan üks'jäižeks eländpunktaks. Lidnankundan pind — 73,05 km².
Lidnankundan tobmuden pämez' om sen Administracijan pämez'. Edeline lidnan pämez' om Oksana Babickaja (reduku 2017 — keväz'ku 2020). Lidnan Deputatoiden nevondkundan ezimez' om Natal'ja Abramova vn 2021 kül'mkuspäi. Jurii Jelgin radoi nevondkundan ezimehen edel vn 2021 kül'mkud.
Vn 2010 Venäman rahvahanlugemižen mödhe lidnan eläjiden lugu oli 16 570 ristitud, rajonan viž ühesandest, vn 2021 — 15 644 ristitud. Kaik 15 629 eläjad oli lidnas vl 2017. Kaikiš suremb lidnan ristitišt oli 26 762 eläjad vl 1959.
Ortodoksižen hristanuskondan kaks' pühäpertid[1] oma letud lidnas: Mikulai-čudonsädajan puine jumalanpert' (1946), Mikoi-arhangelan jumalanpert' (om saudud vodele 2008). Baptizman pühäpert' om avaitud.
Lapsiden opendusen aluzkundad oma severz'-se päivkodid, nell' keskškolad (nomerad 2, 4, 16 i 21), lapsiden da norišton pert', čomamahtoiden škol, lapsiden da norišton Temp-sportškol. Bolotnojen pedagogine kolledž[2] om lidnan professionaližen opendusen aluzkundaks.
3.jpg)
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
