From Wikipedia, the free encyclopedia
Baran'j (mad'j.: Baranya megye [ˈbɒrɒɲɒ]) om üks' Mad'jaranman agjoišpäi. Sen administrativine keskuz da kaikiš suremb lidn om Peč.
Agj levitase valdkundan suvipäivlaskmas. Läz kaik Mad'jaranman hilen löudmižsijad oma keskitadud Baranj-agjas. Pohjoižes om kattud mecoil mägid, tazangištod oma suves i päivnouzmas.
Röunatab koumenke agjanke: Šomod'-agjanke päivlaskmas i lodehes, Tol'n levigandeb pohjoižes i pohjoižpäivnouzmas, Bač-Kiškun om päivnouzmas, mugažo om valdkundröunad Horvatijanke suves Dunain oigedme Drav-ližajogedme. Dunai om agjan päivnouzmaižeks röunaks.
Klimat om päivoikaz Keskmeren. Termaližiden purtkiden sur' lugumär om olmas agjas.
Pind om 4 429,59 km².
Baran'j-agj jagase kümneks jarašaks (rajonaks). Edel vn 2013 administrativišt reformad ühesa kišteršegad (rajonad) oli niiden sijas.
Neciš agjas om nell'toštkümne lidnad:
Baran'jas om 301 žilod lidnoihe ližaks.
Vl 2001 agjan ristitišt oli 407 448 eläjad, vl 2015 — 371 110 eläjad. Kaikiš suremb eläjiden lugu oli 432 617 ristitud vl 1980.
Rahvahad (2001, kaks'jaižidenke vastusidenke): mad'jaralaižed — 92,2 %, saksalaižed — 5,6 %, čiganalaižed — 2,6 %, horvatijalaižed — 1,8 % i toižed rahvahad. Baran'j om agj rahvahanvähembusiden kaikiš surembanke lugunke, kaks' kerdad enamba mi keskmäras valdkundadme, heiden keskes Mad'jaranman saksalaižiden 34 % i suvislavilaižiden 32 %.
Mad'jaranman agjad da niiden administrativižed keskused | ||
Bač-Kiškun (Kečkemet) | Baran'j (Peč) | Bekeš (Bekeš'čab) | Boršod-Abaui-Zemplen (Miškol'c) | Čongrad-Čanad (Seged) | D'jor-Mošon-Šopron (D'jor) | Fejer (Sekešfehervar) | Haidu-Bihar (Debrecen) | Heveš (Eger) | Jas-Nad'kun-Sol'nok (Sol'nok) | Komarom-Estergom (Tataban'j) | Nograd (Šal'gotarjan) | Pešt (Budapešt) | Sabol'č-Satmar-Bereg (N'jired'haz) | Šomod' (Kapošvar) | Zal (Zalaegerseg) | Tol'n (Seksard) | Vaš (Sombathei) | Vesprem (Vesprem-lidn) | ||
tazostadud agjaha lidn — Budapešt | ||
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.