Aleksandrovsk (ven.: Алекса́ндровск, perm. komi: Лытва кар) om Venäman lidn Permin randan päivnouzmas. Se om Aleksandrovskan ümbrikon (edel vn 2019 kezakud — rajonan) administrativižeks keskuseks (vspäi 1942) da palaks.
| Valdkund | Venäma |
| Eläjiden lugu (2023) | 10,502 ristitud |
| Telefonkod | +7−34 274-xx-xxx |
| Avtokod | 59, 81, 159 |
| Aigvö | UTC+5 (MSK+2) |
Sil sanal voib olda toižid znamoičendoid; miše nähta niid, tulgat tänna.
Eländpunktan aluz om pandud vl 1802 žiloks sauvomha raudtegint. Vhesai 1912 pästtihe kaugedraudad, kävutihe sijališt kivihil't. Vn 1951 25. päiväl elokud radnikžilo sai lidnan statusad.
Aleksandrovsk šingotase mašinansauvomižen tegimel (erazvuitte kaivuzmašiništ, radab 1920-nziš vozišpäi) i mecpilindan edheotandoil.
Lidn sijadase Keskuralan päivlaskmaiženno pautkenno, Litv-jogen randoil (ven.: Лытва, Kaman hurapol'ne bassein), 180 m ü.m.t. keskmäižel korktusel.
Matkad Permihesai om 150 km suvipäivlaskmha orhal, 235 km avtol Bereznikin kal't vai 200 km raudtel. Aleksandrovskan raudtestancii nimitase Kopi. Lähembaine lidn om Kizel 12 km suvhe «Čusovoi — Solikamsk»-raudtedme da avtotedme.
Kaik nell' pen't žilod da kaks' küläd mülüiba lidnankundha Aleksandrovskan ližaks. Lidnankundan pind oli 1513,36 km².
Lidnankundan Dum om likvidiruidud vn 2020 elokus, Valentina Sabirzänova radoi sen likvidacižen laudkundan ohjandajan vn 2019 redukuspäi. Radoiba Duman ezimehikš: Irina Mičurina (kül'mku 2018 — reduku 2019), Aleksei Markov (sügüz'ku 2013 — kül'mku 2018).
Vn 2010 Venäman rahvahanlugemižen mödhe lidnan eläjiden lugu oli 14 495 ristitud, lidnankundan — 15 181 ristitud. Vn 2021 rahvahanlugemižen mödhe lidnan ristitišt oli 10 780 eläjad. Vl 2017 kaik 12 841 ristitud elihe lidnas i 13 398 ristitud kaikes lidnankundas. Kaikiš suremb lidnan ristitišt oli 18..20 tuhad eläjid vll 1959−2001 (20 200 rist. vl 1992).
Ortodoksižen hristanuskondan Spasan Toižetamižen jumalanpert'[1] (saudihe vll 1811−1829) om kaičenus i om avaitud lidnas.
Lapsiden opendusen aluzkundad oma severz'-se päivkodid, kaks' keskškolad (nomer 1 i 6), gimnazii, čomamahtoiden škol, sportškol. Kizelan politehnižen tehnikuman filial om lidnan professionaližen opendusen aluzkundaks.
Lidnümbrikon administracijan sauvuz (2009)
Aleksandrovskan mašinansauvomižen tegim vl 2010
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
