Üliviesk (suom. i roč.: Ylivieska, suomen virkand: [ˈyliˌʋie̯skɑ]) om Suomenman lidn valdkundan keskuzpalan päivlaskmas, Pohjoižpohjanma-agjas. Se om agjan koumanz'-nellänz' lidn 11:späi eläjiden lugun mödhe.
Lidnanznam | |
| Valdkund | Suomenma |
| Eläjiden lugu (2024) | 15,375 ristitud |
| Pind | 574,20 km² |
 | |
| Pämez' | Maria Sorvisto (sulaku 2018—) |
| Telefonkod | +358- |
| Aigvö | tal'vel UTC+2, kezal UTC+3 |
Istorii
Municipalitetan aluz om pandud vl 1867. Raudte läbiti žilod vl 1886. Se sai lidnanvuittušt statusad (suom.: kauppala) vl 1965. Kätihe lidnaks (kaupunki) vl 1971.
Üliviesk šingotase sauvondkonstrukcijoiden tehmižel (balkad sildoiden täht, sured zalad, torvveimed elektrostancijoiden täht, merisauvused), palaban cinkuindan tegimel, punümbriradajal edheotandal, torguindkeskusil (om 90 tuhad eläjid ümbärdajidenke küläkundoidenke) i maidživatvodindal.
Geografijan andmused
Lidn sijadase agjan suvipäivlaskmas, Kalajogi-jogen randoil (suom.: Kalajoki 130 km pitte, lankteb Baltijan merhe).
Matkad agjan Oulu-pälidnhasai om 114 km pohjoižhe-pohjoižpäivnouzmha orhal, 130 km avtotel vai raudtel, Hel'sinkihesai om 435 km suvhe orhal, 512 km avtotedme vai raudtedme. Lähembaižed lidnad (avtoteidme) oma Kannus (Keskpohjanma) 40 km suvipäivlaskmha, Kokkol (Keskpohjanma) 80 km päivlaskmha-suvipäivlaskmha, Kalajogi 40 km lodeheze, Raahe 88 km pohjoižhe, Oulainen 35 km pohjoižpäivnouzmha, Haapavezi 40 km päivnouzmha, Nival 28 km suvipäivnouzmha.
Raudtesol'm, raudte ühtenzoitab Iisalmi-lidnanke päivnouzmas-suvipäivnouzmas, mugažo Oulunke i Kokkolanke. Ülivieskan lendimport (YLI / EFYL) radab kümnes kilometras päivnouzmha lidnan keskuzpalaspäi.
Vn 2022 andmusiden mödhe lidnan ühthine pind om 574,20 km², sidä kesken kuivma — 569,83 km², vezi da sokaz ma ottas 4,37 nellikkilometrad.
Tobmuz
Ülivieskan municipaline suim kogoneb 35 ezitajaspäi.
Edeline lidnan pämez' om Terho Ojanperä (2010−2018).
Eläjad
Vl 1980 kundan eläjiden lugu oli 11 738 ristitud, vl 2000 — 13 248 ristitud, vl 2010 — 14 067 ristitud, vl 2020 — 15 258 ristitud. Kaikiš suremb kundan ristitišt om nügüd'. Kundan eläjiden nell' videndest oma Üliviesk-lidnas.
Mamankelen mödhe (2016): suomen kel' — 98,3 %, ročin kel' — 0,3 %, toižed keled — 1,4 %.
Galerei
Lidnan tobmuden sauvuz (2023)
Pühän Stroican jumalanpert' Ülivieskas, vn 2023 nägu (vn 1786 jumalanpert' paloi vl 2016, uz' om saudud vodele 2021)
«Käenpesä»-adivpert' vl 2013
Keskpohjanman sättutoitud tedoiden universitet, Ülivieskan kampus (2011)
Raudaskülän keskškolan päsauvuz i kirjišt (2005)
Ülivieskan päraudtestancii vl 2008
Homaičendad
Irdkosketused
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
