Haapavezi
From Wikipedia, the free encyclopedia
From Wikipedia, the free encyclopedia
Haapavezi (suom. i roč.: Haapavesi) om Suomenman lidn valdkundan keskuzpalan päivlaskmas, Pohjoižpohjanma-agjas. Se om agjan kümnenz' lidn 11:späi eläjiden lugun mödhe.
Lidnanznam![]() | |
Valdkund | Suomenma |
Eläjiden lugu (2020-01-01) | 6,760 ristitud |
Pind | 1,086,15 km² |
![]() | |
Pämez' | Antti-Jussi Vahteala (2014—) |
Telefonkod | +358- |
Aigvö | tal'vel UTC+2, kezal UTC+3 |
Municipalitetan aluz om pandud vl 1866. Kätihe lidnaks (kaupunki) vl 1996.
Haapavezi šingotase maižanduztehnikan «Agronic Oy»-edheotandal (vspäi 1993), maidtegimel («Valio») i lämuzelektrostancijal turbhanke poltuseks («Kanteleen Voima Oy»). «Teknologiankyla Oy»-kompanii abutab biznesale, se om sätud vl 1989, konsul'tiruib i andab juridižid holitišid. Folk- i etnomuzikan jogavozne koumepäiväine festival' oleskeleb kezakun lopus vspäi 1989.
Lidnankund sijadase agjan suvipäivlaskmas, Haapajärven (suom.: Haapajärvi) pohjoižel randal. Pühäjogi läbitab järved (suom. Pyhäjoki 166 km pitte, lankteb Baltijan merhe). Matkad agjan Oulu-keskushesai om 98 km pohjoižhe orhal vai 123 km avtotel, Hel'sinki-pälidnhasai om 442 km suvhe orhal vai 513 km avtotedme. Lähembaižed lidnad (avtoteidme) oma Haapajärvi 50 km suvhe, Nival 37 km suvipäivlaskmha, Üliviesk 40 km päivlaskmha, Oulainen 35 km päivlaskmha-lodeheze.
Vl 2020 lidnankundan ühthine pind — 1086,15 km², sidä kesken kuivma 1049,82 km², vezi da sokaz tahond ottas 36,33 nellikkilometrad.
Vl 1980 eläjiden lugu oli 7 351 ristitud, vl 2010 — 7 418 ristitud. Kaikiš suremb kundan ristitišt oli 8 349 eläjad vl 1995. Koume ristitud videspäi elädas lidnankundan keskuses.
Mamankelen mödhe (2016): suomen kel' — 98,3%, toižed keled — 1,7%.
Profškol radab lidnas i opendab bazižid radnikoid, mugažo Rahvahaline üläškol om olmas.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.