From Wikipedia, the free encyclopedia
Orsk (ven.: Орск) om Venäman lidn da lidnümbrik Orenburgan agjan päivnouzmas, röunatab Kazahstananke. Se om agjan kahtenz' surtte lidn.
Lidnanznam
| Flag |
| Valdkund | Venäma |
| Eläjiden lugu (2020) | 226,502 ristitud |
| Pind | 621,33 km² |
 | |
| Pämez' | Vasilii Kozupica (semendku 2019—) |
| Telefonkod | +7−3537-xxx-xxx |
| Avtokod | 56 |
| Aigvö | UTC+5 (MSK+2) |
Eländpunktan aluz om pandud vl 1735 kuti Orenburg-lidnuz langenijan Or'-jogen mödhe (ven.: Орь 332 km pitte). Vl 1741 panihe nügüdläižen Orenburgan alust Ural-jogen alemba mödvedhe (hot' Orenburg sijadase Sakmar-jogensunno, eile Or'-jogen), olijad lidnust udesnimitihe Oren lidnuseks. Se sai lidnan statusad vl 1865.
Orskan ižandusen päsarakod oma mujumetalloiden tehmine, mašiništonsauvomine, kivivoin ümbriradmine. Sömtegimišton i elektroenergetikan edheotandad oma šingotadud, järed päiväiželektrostancii om saudud lidnümbrikos.
Lidn sijadase Uralan suvižel ezimägištol, 200 m keskmäižel korktusel valdmeren pindan päl. Orskan vanh pala sijadase Ural-jogen oiktal randal. Matkad Orenburghasai om 240 km orhal, 270 km avtotedme vai raudtedme. Lähembaižed järedad lidnad oma Novotroick päivlaskmha (om nell' kilometrad röunoiden keskes) i Kazahstanan Aktobe (170 km suvipäivlaskmha). Lidnümbrik röunatab Kazahstananke, röunpäličmänendtaho om 30 km suvhe lidnan keskusespäi.
Orsk jagase koumeks territorialižeks rajonaks vspäi 1972, niil ei ole ičeze administracijoid. Kahesa žilod mülüdas lidnümbrikho mugažo, niiden ühthine ristitišt oli 4 204 eläjad vl 2010. Lidnümbrikon pind — 1 426,54 km².
Vn 2010 Venäman rahvahalugemižen mödhe lidnan eläjiden lugu oli 239 800 ristitud, lidnümbrikon — 244 004 ristitud. Kaik 230 414 eläjad oli lidnas vl 2017. Kaikiš suremb lidnan ristitišt oli 276 tuh. eläjid vl 1995.
Rahvahad (enamba 0,4 % vl 2010, ozutadud rahvahudenke): venälaižed — 81,7 %, kazahlaižed — 5,3 %, totarlaižed — 3,9 %, ukrainalaižed — 2,7 %, baškiralaižed — 1,7 %, saksalaižed — 1,1 %, mordvinalaižed — 0,7 %, azerbaidžanlaižed — 0,5 %, armenijalaižed — 0,5 %, toižed rahvahad — 1,9 %.
Edeline lidnümbrikon pämez' om Andrei Odincov (tal'vku 2016 — sulaku 2019).
Avtobusad da tramvaid oma kundaližeks transportaks lidnas.
Rahvahidenkeskeine Orsk-lendimport[1] (OSW / UWOR / ОСК, 141 tuh. passažiroid vl 2021) sijadase 17 km suvhe lidnan keskusespäi. Tehtas reisid Orenburgan agjadme, Moskvhasai, sezonreisid Simferopolihesai.
![Thumb](#/media/Fail:ДС_"Юбилейный".jpg)
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
