From Wikipedia, the free encyclopedia
Loimaa (mugažo suomen i ročin kelil, suomen virkand: [ˈloimɑː], ročin istorine: Loimijoki) om Suomenman lidn da lidnankund Suvipäivlaskmaine Suomenma-agjas. Se om agjan kudenz' lidn eläjiden lugun mödhe üks'toštkümnespäi.
Lidnanznam![]() | |
Valdkund | Suomenma |
Eläjiden lugu (2020-01-01) | 15,843 ristitud |
Pind | 851,93 km² |
![]() | |
Pämez' | Jari Rantala (tal'vku 2008—) |
Telefonkod | +358- |
Aigvö | tal'vel UTC+2, kezal UTC+3 |
Eländpunktan aluz om pandud 14. voz'sadal vai sen aigemba, Loimaa mainitase vspäi 1439. Raudte tuli Loimaaha vl 1876, i panihe nügüdläižen lidnan alust. Municipalitetan aluz om pandud vl 1921. Tal'vsodan aigan (1939−1940) venäkel'žed ortodoksižed eläjad oliba sirtud sihe Karjalan kaglusen Krasnosel'skoje-žilospäi (suom.: Kyyrölä). Loimaa-kund sai lidnan statusad vl 1969. Ühtištuihe lidnad ümbärdajanke Loimaan kundanke vl 2005, Alastaro- i Mellilä-kundoidenke vl 2009.
Loimaa šingotase ühthekeitandan mašiništon tehmižel[1], plastiktegesiden edheotandal, turizmal.
Lidn sijadase agjan pohjoižpäivnouzmaiženno röunanno, Loimijogen hural randal tobjimalaz (suom.: Loimijoki 114 km pitte, Kokemäenjogen hura ližajogi). Matkad agjan Turku-keskushesai om 65 km suvipäivlaskmha avtotel. Matkad Hel'sinkihesai om 128 km suvipäivnouzmha orhal vai 150 km avtotedme. Lähembaižed lidnad (avtol) oma Forss (Kanta-Häme) 37 km päivnouzmha, Somero 43 km suvipäivnouzmha i Huttinen (Sadakund) 50 km lodeheze. «Turku — Tampereh»-mante läbitab lidnad.
Vl 2020 lidnankundan ühthine pind — 851,93 km², sidä kesken kuivma 848,13 km², vezi da sokaz ma otiba 3,8 nellikkilometrad.
Vl 1980 eläjiden lugu oli 18 612 ristitud (kaikiš suremb ristitišt), vl 2010 — 16 916 ristitud.
Mamankelen mödhe (2016): suomen kel' — 97,0%, ročin kel' — 0,2%, toižed keled — 2,8%.
Professionaližen opendusen aluzkundad oma Loimaan profkolledž i muzikkolledž.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.