From Wikipedia, the free encyclopedia
Gudermes (ven.: Гудерме́с, čeč.: Гуьмсе, kum.: Гюйдюрмес) om Venäman lidn, lidnankund da raudtesol'm Čečenijan Tazovaldkundan päivnouzmas. Se om Gudermesan rajonan administrativine keskuz, mülüb sihe vspäi 2012, rajonan kaikiš suremb lidn kahten kesken.
Valdkund | Venäma |
Eläjiden lugu (2022) | 58,275 ristitud |
Pind | 33,89 km² |
![]() | |
Pämez' | Ramazan Saliev (tal'vku 2012—) |
Telefonkod | +7−87 152-xx-xxx |
Avtokod | 20, 95 |
Aigvö | UTC+3 (MSK+0) |
Eländpunktan aluz om pandud 17. voz'sadan augotišes kuti Gums-aul (Gümse) i vl 1893 kuti raudtesol'm läz necidä aulad. Vl 1929 kätihe Gudermes-žilod raudtestancijanke radnikžiloks, möhemba udesnimitihe Kalininan nimel. Vn 1941 5. päiväl sulakud ühtenzoittihe Kalininan žilod, Kunduhovan eländpunktad i Gümse-aulad da anttihe lidnan statusad, nimitihe Gudermesaks. Voziden 1994−1996 sodan aigan Gudermesan tegimišt i äjad pertid oliba muretud.
Gudermes šingotase himižel tegimel, medicinižinstrumentoiden tegimel, sömtegimišton edheotandoil (konservad, limonadad, jähine[1]), savičun tegimel (vspäi 2014), metalližkonstrukcijoiden «Energomaš»-tegimel, raudten kohendusen cehil. Sadas kivivoid i kazvatadas vinmarjad lidnan ümbrištos.
Lidn sijadase Belk- (Gudermes keskjoksmuses, čeč.: Гуьмс-хи, 80 km pitte) i Sunž-jogiden oiktoil randoil (Terekan bassein), Belkan lanktendanno Sunžha, 55 m keskmäižel korktusel valdmeren pindan päl.
Matkad Grozniihasai om 40 km päivlaskmha. «Groznii — Mahačkal»-raudtekeskust i avtote läbitadas lidnad. Lähembaine lidn om Argun 25 km suvipäivlaskmha.
Gudermes om lidnankundan üks'jäižeks eländpunktaks.
Lidnankundan tobmuden pämez' om sen Deputatoiden nevondkundan ezimez'. Rajonan Administracii tegeb lidnankundan Administracijan velgusidme, ei ole lidnan erigoittud administracijad.
Vn 2010 kaiken Venäman rahvahanlugemižen mödhe eläjiden lugu oli 45 631 ristitud, rajonan koumandez. Vl 2017 lidnan ristitišt oli 51 776 eläjad. Kaikiš suremb lidnan ristitišt om nügüd'.
Rahvahad (enamba 0,4 % vl 2010): čečenalaižed — 95,3 %, venälaižed — 2,2 %, kumikad — 1,0 %, toižed rahvahad — 1,3 %, rahvahuden ozutandata — 0,2 %.
Islaman kahesa pühäpertid om saudud lidnas, niiden kesken pämečet' Tašu-Hadžin nimed seičemen tuhad uskojiden täht om letud vll 2010−2011.
Gudermesan raudteiden tehnikum[2], pedagogine kolledž[3] i Čečenijan bazižen medkolledžan filial[4] oma lidnan professionaližen opendusen aluzkundoikš.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.