Giteg (rundikš i franc.: Gitega) om Burundin politine pälidn vspäi 2019. Se om valdkundan üks' surembiš lidnoišpäi, mugažo Gitegan agjan administrativine keskuz.
| Valdkund | Burundi |
| Eläjiden lugu (2019) | 120,000 ristitud |
| Pind | 22 km² |
 | |
| Telefonkod | +257- |
| Aigvö | UTC+2 |
Istorii
Eländpunkt Kiteg-nimitusenke (franc.: Kitega) oli Burundin kunigahan sijaduseks voz'sadoiden aigan. Saksalaižed paniba lidnalaižen eländpunktan alust vl 1912. Tühjitihe kunigahust vl 1966. Burundin Kunigahusen jäl'gmäine Ntare V-mvami (kunigaz) oli riktud Gitegas vn 1972 29. päiväl sulakud.
Pjer Nkurunziza-prezident tedištoiti planoid tehta Gitegad pälidnaks vl 2007. Valdkundan uz' politine pälidn vn 2019 vilukun 16. päiväspäi. Severz'-se ministrusid sirtihe sihe kahtes päiväs pätandan jäl'ghe. Varastadas, miše valdkundan tobmuden aluzkundoiden täuz' sirdand linneb koumes vodes.
Geografijan andmused
Lidn sijadase Burundin i agjan keskuzpalas, peniden Njamugogo-jogen (suves) i Karong-jogen (Karonga, pohjoižes) randoil, mägištol kukhiš ümbri, 1504 m ü.m.t. keskmäižel korktusel. Matkad ekonomižhe Bužumbur-pälidnhasai om 62 km lodeheze.
Eläjad da transport
Gitegan kundan ristitišt oli 155 005 eläjad vl 2013. Hristanuskondan erazvuiččiden sarakoiden i islaman pühäpertid oma avaitud lidnas. Gitegan politehnine universitet zavodi radod vl 2014.
Lidn ühtenzoitase avtoteil valdkundan lidnoidenke. Gitegan lendimport (GID) om saudud lidnan lodehes, se eile rados.
Galerei
Lidnan irdal vl 2007
Hristanuskondan pühäpert' Mušaš-ezilidnas (2006)
Internetkafe kolonialižes sauvuses (2007)
Avtobusstancii i taksin seižundtaho (2012)
.jpg)
.jpg)
Homaičendad
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
