lengua From Wikipedia, the free encyclopedia
La Lengua hawaiana (o hauàiana) o Hawaiano (o Hauàiano), nome nativo ‘ōlelo Hawai‘i la xe na lengua austronesiana, parlàa inte'i Stati Unii, inte el stato de'e Hawaii.
‘Ōlelo Hawai‘i | |
---|---|
Nome locaƚe | Errore Lua in Modulo:Interface_Wikidata alla linea 89: attempt to call field 'formatStatements' (a nil value). |
Tipo | łéngua e łéngua viva |
Parlà in | Stati Unii de l'Amèrica |
Autòctono de | Hawaii |
Parlanti | |
Totałe | 27 200 (2000 ) |
Parlanti L1 | 24 000 |
Clasifega | Non inte'e prime 100 |
Caratarìsteghe | |
Scritura | Errore Lua in Modulo:Interface_Wikidata alla linea 89: attempt to call field 'formatStatements' (a nil value). |
Clasifegasion lenguìstega | |
łéngua umana łéngue austrotai łéngue austroneziane łéngue malayo-połineziane łéngue malayo-połineziane nucleari łéngue malayo-polinesias centro-orientałi łéngue malayo-połineziane orientałi łéngue oseàneghe łéngue oseàneghe sentro-orientałi łéngue del Pasìfego sentrałe łéngue połineziane łéngue połineziane nucleari Eastern Polynesian (en) łéngue marcheziane | |
Statuto ofisałe | |
Lengua ofisałe in | Stati Unii de l'Amèrica - Hawaii |
Regoƚà da | Ka Haka ʻUla O Keʻelikōlani (Scola de'a lenga hawaiana) |
Vulnerabiłità | 5 in perìcuło crìtego |
Còdazi | |
ISO 639-2 | haw |
ISO 639-3 | haw |
Glottolog | hawa1245 |
Linguasphere | 39-CAQ-e |
Ethnologue | haw |
UNESCO | 712 |
IETF | haw |
Endangered languages | 125 |
Toco in lengua | |
Declarasion Universal de'i diriti umani, art. 1 Hānau kū'oko'a ‘ia nā kānaka apau loa, a ua kau like ka hanohano a me nā pono kīvila ma luna o kākou pākahi. Ua ku'u mai ka no'ono'o pono a me ka ‘ike pono ma luna o kākou, no laila, e aloha kākou kekahi i kekahi. |
La lengua la se ga orixenà da un grupo de naviganti de Tahiti che i jera emigrài inte'e Hawaii inte el IV secolo.
A'l 1778 el risale el primo incontro tra i inglesi e i Hawaiani, in sta epoca se ga scomisià scrivar in Hawaian, e a'e Hawaii i xe rivài i soni de altre lengue cofà el todesco, el portogheze, el inglese, e el spagnolo.
La lengua la ga scomisià, inte el periodo che el va dal 1830 al 1950, a perdar parlanti, inte el 2011 i parlanti marelengua i jera rivài a esar el 0,1% de'a popolasion de'e Hawaii. El motivo de tuto ciò el xe da catarse inte na leje del 1896 ch'a vietava de parlar a scola e insegnar el Hawaian, che la ga portà a no parlar pì el Hawaian anca casa; n'altra rajon la pole esar che le Hawaii e jera drio subir na granda imigrasion inte'l'Otoxento, e che cuindi i istesi abitanti n'i se podèa capir tra de lori; n'ultima causa del declin de'a lengua a pol esar un prejudisio lenguistego ch'el faoriva el linglexe, e ch'el faxèa senbrar el Hawaian na lengua secondaria.
Da'l 1949 in vanti la lengua Hawaiana la se ga rivitalixà, grasie a numarose inisiative come el novo galepin de Hawaian de Mary Pukui e Samuel Elbert; ma anca l'institusion de scole nido dove che i tosatei i podèa scoltar da'i veci marelengua Hawaiani la lengua. El ga judà anca a creasion de programi par radio e xornài in Hawaian.
Uncuò el numaro de parlanti de Hawaian el xe cresùo, anca se la lengua la xe oncora inserìa inte'l'atlante de'e lengue in pericolo de'l'Unesco.[1][2][3][4]
El nome Hawaian el vien da el nome del'ìzoła pì granda de'l'arsipelago de'e Hawaii, ciamàa proprio Hawaii; da dove che la lengua la se ga difondesto. Na volta el jera ciamà anca Oh-Why-hee, parché cusì i la gavèa ciamàa i primi esploradori.
La lengua la ghe someja a altre lengue de la fameja austronesiana, come el marchesan, el samoan, el tahitian, el maori, e anca el pascuense. Ghe xe anca cualche somejansa co el Proto-austroneisan, na lengua recostruia da'i studiosi cofà la lengua primitiva de partensa par tute le lengue austronesiane.
Cuà da baso na tabela conparativa de alcune de'e lengue austronesiane.
Vèneto | Un/On | Do | Tre | Cuatro | Sincue | Sie/Sei | Sete | Oto | Nove | Diexe |
---|---|---|---|---|---|---|---|---|---|---|
Proto-austronesiano | *isa | *DuSa | *telu | *Sepat | *lima | *enem | *pitu | *walu | *Siwa | *puluq |
Amis | cecay | tusa | tulu | sepat | lima | enem | pitu | falu | siwa | pulu' |
Yami | asa | doa | atlo | apat | lima | anem | pito | wau | siyam | pao |
Tagalog | isá | dalawá | tatló | ápat | limá | ánim | pitó | waló | siyám | sampu |
Ilocano | maysá | dua | talló | uppát | limá | inném | pitó | waló | siam | sangapúlo |
Cebuano | usá | duhá | tuló | upat | limá | unom | pitó | waló | siyám | napulu |
Chamorro | maisa/håcha | hugua | tulu | fatfat | lima | gunum | fiti | guålu | sigua | månot/fulu |
Malagasy | isa | roa | telo | efatra | dimy | enina | fito | valo | sivy | folo |
Malay/Indonesian | sa/se/satu | dua | tiga | empat | lima | enam | tujuh | lapan/delapan | sembilan | sepuluh |
Minangkabau | ciek/satu | duo | tigo | ampek/empat | limo | anam/enam | tujuah/tujoh | salapan/lapan | sɔmbilan | sapuluah/sepuloh |
Javanese | siji | loro | telu | papat | lima | nem | pitu | wolu | sanga | sepuluh |
Tetun | ida | rua | tolu | hat | lima | nen | hitu | ualu | sia | sanulu |
Fijian | dua | rua | tolu | vā | lima | ono | vitu | walu | ciwa | tini (archaic: sagavulu) |
Kiribati | teuana | uoua | teniua | aua | nimaua | onoua | itiua | waniua | ruaiua | tebuina |
Tongan | taha | ua | tolu | fā | nima | ono | fitu | valu | hiva | -fulu |
Sāmoan | tasi | lua | tolu | fā | lima | ono | fitu | valu | iva | sefulu |
Māori | tahi | rua | toru | whā | rima | ono | whitu | waru | iwa | tekau (archaic: ngahuru) |
Tahitian | hō'ē | piti | toru | maha | pae | ōno | hitu | va'u | iva | 'ahuru |
Marchesan | tahi | 'ua | to'u | hā | 'ima | ono | hitu | va'u | iva | 'ahu'u |
Dialeto de'e Isole Sotovento | tahi | rua | toru | fā | rima | ono | fitu | varu | iva | 'ahuru |
Maori de'e ìzołe Cook | ta'i | rua | toru | ā | rima | ono | itu | varu | iva | ta'ingaoru |
Hawaian | ʻekahi | ʻelua | ʻekolu | ʻehā | ʻelima | ʻeono | ʻehiku | ʻewalu | ʻeiwa | -ʻumi |
Se ga dimostrà (co un studio del 1962 de J. H. Ward) che un parlante Hawaian el sarìa bon de capir el 41,2% de'e parole de uno che parla marchesan, el 37,5% de'e parole par el tahitian, el 25,5% co uno che parla Samoan; e el 6,4% co uno che parla Tongan.
La lengua Hawaiana, la xe senpre stàa dividesta in dialeti o varietà; deso, quelo pì parlà xe el stàndar, regolà dal Ka Haka ʻUla O Keʻelikōlani (KHUOK), ma un altro arquanto parlà el xe anca el dialeto de Ni'ihau, parlà inte'a l'ìzoła di Niihau ch'el se ga conservà par el so ìzołamento. L'ìzoła la xe considaràa l'unego posto dove che el Hawaian el xe incora parlà cofà lengua de tuti i dì.
El Hawaian el xe insegnà inte'e scole medie inte'e e Hawaii: i ghe xe do tipi de scole col hawaian, una co n'imersion parsiale inte'a lengua, n'altra co n'imersion totale. Ghe xe anca una scola superior in lengua Hawaiana, che la xe l'unega scola el lengua indixena de'i Stati Unii.
L'alfabeto hawaian el xe de tredexe litare: 5 vocale e 8 consonanti. Le tredexe letare le xe scite col alfabeto latin.
Le vocale le xe sincue: la "a", la "e", la "i", la "o", e la "u". Le pole esar co un sono pì longo (Ā ā Ē ē Ī ī Ō ō Ū ū), o pì curto (A a E e I i O o U u)
Le consonanti le xe oto: la "h", la "k", la "l", la "n", la "p", la "w" e la 'okina indegàa co el apostrofo (').
La 'okina la xe na consonante doparàa in arcuante de'e lengue austronesiane par segnalar un spasio cofà el vèneto "da Aldo" in mexo de le do "a".
Inte el hawaian tute le parole le finise par vocale, e dopo na consonante ghe ga da esar senpre la vocale, donca no se podarà mai 'ver parole co do consonanti tacàe, cofà el veneto "poRTa"[5]
La lengua Hawaiana la xe del tipo VSO (overo: Verbo - Sojeto - Ojeto), e la sernise tre tipo di numari: el singolar (1), el dual (2) e el plural (3 o pì de 3)
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.