L'ungherexe, ungarexe o a òlte anca magiàr (en ungh.: magyar nyelv o anca soło magyar) el xe na lingua del ramo ugrico del grupo ugrofinico de łe lingue uraliche[1], parlà da çirca 16 milioni[2] de persone, de cui çirca 10 milioni[2] inte ła soła Ungheria, dove che el xe la lingua uficiałe. El xe inoltre parlà da minoranse linguisteghe in Romania, Slovachia, Serbia, Slovenia, Austria e Ucraina.[2]
El xe inparentà - anca se a ła lontana - co el finlandexe, co l'estone e co łe lingue sami.[2][3]
Storia
L'esistensa de ła lengua ungaréxe, o mejo del protoungarexe, xe atestà intorno al I milenio a.C.[4] Se distingue quatro fasi de ła lingua[4]:
- Protoungarexe (I milenio a.C. - 896 d. C.)
- Antico ungarexe
- Medio ungarexe (XVI - XVIII sec.)
- Neoungarexe (dała fin del XVIII secoło)
Fonetica[5][6]
- a /ɔ/
- á /a:/
- c /ts/
- cs /tʃ/
- e /ɛ/
- é /e:/
- g /g/
- gy /d'/
- h /h/
- í /i:/
- ly /j/
- ny /ɲ/
- o /o/
- ó /o:/
- ö /ø/
- ő/ /ø:/
- s /ʃ/
- sz /s/
- ú /u:/
- ü /y/
- ű /y:/
- z /z/
- zs /ʒ/
- dj, dy (come gy)
- lj (come ly)
- ty /t'/
Gramàtega
L'ungherexe xe na lingua aglutinante, o sia i casi de ła declinasion vien determinà tramite l'agiunta de sufisi. En ognuno dei casi, la vocałe varia a seconda de ła cosideta armonia vocałica.[3][7]
Articołi
Articoło determinativo
L'articoło determinativo xe a (che diventa az davanti a na vocałe), sia par el singołare, che par el plurałe.[8][9] Esenpi: a fiú = "el toxo", a fiúk = "i toxi", a lány, "ła toxa", a lányok, "łe toxe", az asszony, "ła dona", az asszonyok, "łe done", az ember = "ła persona", az emberek = "łe persone".
Articoło indeterminativo
L'articoło indeterminativo xe egy.[8]
Pronomi personałi
I pronomi personałi de l'ungaréxe i xe[10][11]:
- én = "mi"
- te = "ti"
- maga = "Łu", "Eła" (2a pers. sing. form.)
- ön = "Łu", "Eła" (2a pers. sing. form.)
- ő = "łu"/"eło", "eła"
- mi = "nojaltri"
- ti = "vojaltri"
- maguk = "Vojaltri" (2a pers. plur. form.)
- önök = "Vojaltri" (2a pers. plur. form.)
- ők = "lori", "lore"
Note
Voxi corełà
Altri projeti
Linganbi foresti
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
