Zànbia
From Wikipedia, the free encyclopedia
Lo Zànbia[18][19] o Xànbia, ufisialmente Republica del Zànbia, el xe no Stato de l’Africa Australe.
El confina co la Republica Democràtega del Congo a nord, la Tanzania a nordest, el Malawi a est, el Mozanbico a sudest, el Zinbabue a sud, el Botswana e la Namibia a sudovest, l’Angola a ovest.
Zeografia
Quasi tuto el paexe xe n’altopiano (900 – 1800 m).
Ghe do bacini idrografici, quel del Congo e quel del Zambesi. Ghe altri fiumi importanti (Kafue, Luangwa e Kwando, Champeshi e Luapula). Le cascate Vitoria sul fiume Zambesi, al confin co lo Zimbabue, co na largheza de 1,6 km e n’alteza de pi de 100 m, xe le pi imponenti del mondo.
Storia
Antighità
I primi abitanti de lo Zànbia xe stà i khoisan, un grupo pigmeo.
A partir dal XII secolo, le migrasion bantu xe rivà ne la rejone, alontanando i pigmei.
I primi bantu a river xe stà i tonga, l’ultimo grupo a river xe stà i ngoni, che parò vegnea dal sud.
I primi eoropei a rivar qi xe stà i portoghexi.
Modernità
La colonizasion xe scominsià solo a la fin del XIX secolo.
El misionario esploratore David Livingstone xe el primo eoropeo che ga visto le cascate sul fiume Zambesi, che lu ga ciamà Vitoria, in onor de la regina del Regno Unìo.
Inte el 1888, Cecil Rhodes, on inglexe che ga costruio on impero minerario in Africa Australe, ga conprà i diriti minerari de lo Zànbia ocidentale. I ngoni, ne l’altro canton del paexe, no ga volesto dare i diriti. Rhodes alora ga taca guera co la so milizia privada. En tel 1911, le do parti xe stà unie co el nome de Rhodesia Setentrionale[20].
Inte el 1923 el controlo de la rejon xe pasà al Regno Unìo, che ga proclamà el protetorado inte el 1924.
En tel 1953, le do Rhodesia xe stà tacà al Malawi in na federasion. La zente locale la ga protestà. La federasion xe stà eliminà co l’indipendenza.
Indipendensa
El Zanbia l’è diventà indipendente el 24 otobre 1964.
El primo presidente xe stà Kenneth Kaunda.
I primi ani de la nova nasion xe stà dificili.
El baso livel de preparasion de la zente ga costreto el paexe a dipendar da tecnici stranieri.
In pi, la tension pułìtega de tuta la rejon, co i do governi razisti de Sudafrica e Zimbabue, e le guere de indipendenza e autoderminasion de Angola e Mozanbico, no ga parmeso lo svilupo de na pułìtega estera e na cooperasion rejonale serena.
El paexe ga sempre dipeso da l’estrasion del rame e de altri minerai. Co el prezo del rame sa sbasà, lo Zànbia ga scominsià a far debiti internasionali.
Zeografia politega
La cavedal xe Lusaka.
Economia
Lo Zànbia xe uno de i pi poveri paexe de l’Africa.
Parò ne i ultimi ani se vede un cambiamento positivo: ancò l’economia xe in crescita, anca se el debito estero xe oncora alto.
Pien de richeze naturali, el paexe pol cresar sia ne l’agricoltura che ne lo sfrutamento minerario.
Da sempre importatore de granaglie, lo Zànbia xe diventà esportatore de formenton. Questo graxie a l’arivo de agricoltori bianchi da lo Zimbabwe e a na nova pułìtega agricola del governo.
El setor minerario, specailmente del rame, xe in ripresa.
El turismo xe anca elo in cresita.
Popolasion
Etnie
En Zànbia se cata 70 etnie, tute bantu.
I grupi pi importanti xe: bemba, nyanja, chewa, tonga, tumbuka, lunda, luvale, kaonde, lozi, e nkoya.
Religion
La religione uficiale del Paexe xe el cristianesimo.
I cristiani catoleghi i xe el 35%, i cristiani protestanti el 18%, el resto i xe cheli che seve religioni tradisionali e altre minoranze.
Lengoe
Se parla inglexe e altre lengoe locali.
Gałeria de someje
scarpada Muchinga
fiume Luangwa
Ndoła
sito ONUESC de łe cascae Victoria
Notasion
Altri projeti
Linganbi foresti
Wikiwand - on
Seamless Wikipedia browsing. On steroids.