Two and a Half Men

Two and a Half Men , "Do òmeni e mezo" ła ze na sitcom statunitense produzesta da'l 2003 al 2015 e trazmesa da ła CBS.

Trama

Ła sitcom ła scominsia da ła traslocasion de Alan e só fio Jake a caza de Charlie, só fradeło mazor de Alan, drioman a ła separasion de st'ùltemo da só mujer Judith.

Ashton Kutcher e Jon Cryer

Łe storie contàe łe se fogałiza so łe situasion speso comiche naseste da łe diverse costumanse e stiłi de vita de Charlie, scàpoło de profesion, conpozidor muzegałe par jingle publisidari, cotołon de suceso, visià e da ła vita aziada, e de só fradeło Alan, separà e co fioło al seguito, de profesion chiropratico, asé pì trancuiło, ma maniacalmente presizo. El só raporto el ze anca sconbusołà da łe incursion de ła mare dei do, Evelyn, rica azente imobiłiar e dona suparfisałe co ła cuałe i do fiòłi i ga un raporto perenemente conflituałe e da ła governante Berta, considerà doramai cofà una de fameja, ma con un far tanto rùstego e mascołin.

I senari i canbi de'l tuto a l'alba de ła nona stazon, in cui el primo epizodio se verze co'l funaraòłe de Charlie, moristo durante ła só łuna de miełe co Rose. Alan, consapevołe de no poder mantenjer mła caza dove che'l abitava co Charlie, deside de véndarla, cuando tuto d'un colpo A fa el só ingreso in sensa Walden Schmidt, futuro conprador e protagonista che stravolze łe zerarchìe de ła caza.

Un ultarior stravolzimento avien durante ła dièzema stajon, che ła vede Jake entrar prima inte l'ezersito e drioman trasferirse in Japon (conparìndo par poco pì de ła metà dei epizodi); inte l'undezèzema el tozo el va fora definitivamente de sena, e aparise poco dopo Jenny, na toza omosesuałe che ła se reveła èsar só fioła da'l defonto Charlie ani prima sensa che łu ghe ne savese njente, e che ła se trasferise a vivar co'l barba Alan e Walden.

Inte ła dodezèzema e ùltema stajon Alan e Walden i se spoza, finzendo de èsar gay e pur continuando a védarse co diverse done, cusì che 'st'ùltemo el posa adotar un puteło, Louis, par po' divorsiar na volta conpletà l'iter burocràtego.

Epizodi

Stajon	Epizodi	Prima TV USA	Prima TV in itałian
Prima stajon	24	2003-2004	2006
Segonda stajon	24	2004-2005	2006-2007
Tersa stajon	24	2005-2006	2008
Cuarta stajon	24	2006-2007	2009
Cuinta stajon	19	2007-2008	2009
Sesta stajon	24	2008-2009	2010
Sètema stajon	22	2009-2010	2011
Otava stajon	16	2010-2011	2012
Nona stajon	24	2011-2012	2013
Dièzema stajon	23	2012-2013	2014
Undezèzema stajon	22	2013-2014	2015
Dodezèzema stajon	16	2014-2015	2016

Parsonaji e interpreti

Par savèrghene de pì, vardarse anca ła voze Parsonaji de Two and a Half Men.

• Charlie Harper (stajon 1-8, guest 9-12), intarpretà da Charlie Sheen^[1], dopià da Massimo Rossi.
• Alan Harper (stajon 1-12), intarpretà da Jon Cryer, dopià da Franco Mannella.
• Jake Harper (stajon 1-10, guest 12), intarpretà da Angus T. Jones, dopià da Jacopo Cinque (st. 1-2) e da Alessio Nissolino (st. 3-12).
• Evelyn Harper (stajon 1-12), intarpretada da Holland Taylor, dopiada da Angiolina Quinterno (st. 1), da Carmen Onorati (st. 2-10) e da Franca D'Amato (st. 11-12).
• Rose (stajon 1-2, ricorente 3-12), intarpretada da Melanie Lynskey, dopiada da Antonella Baldini.
• Judith Harper-Melnick (stajon 1-12), intarpretada da Marin Hinkle, dopiada da Roberta Pellini.
• Berta (stajon 2-12, ricorente 1), intarpretada da Conchata Ferrell, dopiada da Cristina Piras.
• Kandi (stajon 4, ricorente 3, guest 10-12), intarpretada da April Bowlby, dopiada da Germana Longo.
• Chelsea Melini (stajon 7, ricorente 6, guest 9-12), intarpretada da Jennifer Bini Taylor, dopiada da Daniela Abbruzzese.
• Walden Schmidt (stajon 9-12), intarpretà da Ashton Kutcher, dopià da Stefano Crescentini.
• Jenny Harper (stajon 11-12), intarpretada da Amber Tamblyn, dopiada da Alessia Amendola.
• Louis (stajon 12), intarpretà da Edan Alexander.

Produsion

Cryer tra i ideatori de ła sitcom, Lee Aronsohn e Chuck Lorre.

L'otava stazon de Two and a Half Men ła ze stà inisialmente mesa in pauza e po' definitivamente concludesta dopo 16 epizodi trasmesi. Inte i zorni sucesivi Sheen ga inisià na disputa co'l creador de ła serie Chuck Lorre, provocandoło co comenti antisemiti e chiedendo un stipendio de 3.000.000 de dołari par epizodio, dichiarando de èsar sotopagà. El 7 de marso 2011 l'ator el ze stà infin «łisensià co efeto mediato» da ła Warner Bros.^[2]

A magio de'l 2011 A ze stà anunsià l'ingagio de Ashton Kutcher in sostitusion de Sheen par ła sucesiva stazon de ła serie, in programasion inte i USA da l'utuno de'l steso ano.^[3]

El 13 de majo 2014 ła serie ła ze stà renovà par na dodezèzema e ùltema stajon,^[4] trasmesa da'l 30 de otobre 2014; l'ùltemo epizodio el ze andà in onda el 19 de febraro 2015.