Togo
From Wikipedia, the free encyclopedia
El Togo xe un paexe de l’Africa Oxidental.
El confina col Ghana a ovest, co el Burkina Faso a nord e col Benin a est; el ga na costa so l’Oxeano Atlantico a sud.
.svg)
Etimołozia
El nome vien da la lengoa ewe, e vol dir "ndar a l’acqua".
Zeografia
El Togo el ga na superfisie de 56 785 km².
No ghe monti alti. El Pic Baumann, co i so 986 metri, l’è la colina piasè alta del paexe.
La costa l’è paludosa e ghe anca de le lagune.
I fiumi piasè importanti ie l’Oti, che va a finir in Ghana, e el Mono.
La majoria del teren l’è savana.
Storia
Antighità
Da ricatamenti archeologici, se sa che le popołasion tamberna xe la piasè vecia. No ghe documenti prima de l’arivo de i europei.
I portoghezi xe rivà in Togo inte el 1490. I europei xe rivà a la fin del secolo XV e i ga scominsià el marca dei sciavi.
I ewe e i mina xe rivà da la Nizeria inte el secolo XVIII.
Modernità
La colonizaxion la scominsiò inte el 1884, co i todeschi ga fondà el protettorato del Togoland. I todeschi ga lavorà par modernizar la coltivasion del cacao e del coton.
La colonia la durò pochi ani, parchè i todeschi, dopo la prima guera mondial, ga dovesto dar le colonie a i inglexi e a i francexi.
I do grupi piasè importanti, i mina e i ewe, ga vissù la colonizasion in maniera diversa. I mina, che xera xà in contato co i europei prima de la colonia, iera contenti del governo britanico. I ewe i sa sentio taja fora da le decision pułìteghe e, piasè tardi, da la decision del Togo inglexe de tacarse al Ghana.
Indipendensa
El Togo xe indipendente[18] dal 1960.
El primo presidente l’è stà Sylvanus Olympio. La democrasia, parò, no l’è durà tanto: Olympio gavea rifiutà de metar ne l’esercito nasional i veterani de l’esercito francexe. Inte el genaro 1963 i militari ga fato el primo colpo de Stato africano, i ga atacà el palazo presidentiale e copà el presidente.
El fratel del presidente, Nicolas Grunitzky, ga ciapà el so posto.
Inte el 1967, el sergente Etienne Eyadéma ga fato n’altro colpo de Stato e sa meso al posto del presidente. El ga dichiarà el partio unego, nasionalizà tute le industrie e ordinà a i togolesi de verghe solo un nome african, lasando da parte i nomi cristiani o europei. Eyadéma l’era un totalitario che no ghe pensaa do volte a copar i so nemici.
Inte el 1993, a le prime elezioni multipartìteghe, Eyadéma diventò el presidente eleto con el 93% de i voti.
El presidente morì el 5 febraro 2005.
Fambare Ouattara Eyadéma, fiol del vecio presidente e cao de l’esercito, se fato proclamar presidente da un parlamento soto controlo militar. Dopo le proteste internasionali, el novo presidente s’a presentà a le elezioni nasionali inte el avril 2006 e, dopo verghe cambià tuti i risultati, s’à fato proclamar presidente n’altra volta.
Zeografia politega
La cavedal xe Lomé, su la costa de l’Oxeano Atlantico.
Popołasion
El Togo el ga sete milioni de abitanti.
Etnie
Anca se el paese l’è picoleto, en Togo ghe xe 45 etnie.
Le piasè grande xe i ewe (46%), i kabye (22%), i uachi, i mina e i mossi.
Religion
La majoria de i togolesi i pràtega el vudu, na religion tradisional che cree ne i dei che vive ne i boschi, ne le acque, e ne i ogeti.
Un terso de la popołasion xe cristian (i catoleghi el 22%), e ghe un 18% de musulmani.
Gałeria de someje
Monte Agu
fiume Mono a Nangbéto
panorama de Socodé
paesazo cultural de el Koutammakou, sito ONUESC
Note
Altri projeti
Łinganbi foresti
Wikiwand - on
Seamless Wikipedia browsing. On steroids.