Stadio Comunal de Monigo
From Wikipedia, the free encyclopedia
El stadio comunałe de Monigo el ze un inpianto de rugby a 15 de Trevizo. El stadio ospita łe gare interne del Benetton Treviso.
 Stadio Comunal de Monigo | ||
| ||
| Dati | ||
|---|---|---|
| Sorte | Impianto di rugby a 15 (it)   | |
| Costrusion | 1970 | |
| Vertura | 25 de otobre del 1975 | |
| Pozision | ||
| Rejon aministrativa | Trevizo (Itàlia) | |
| Pozision | Viale Olimpia 2, I-31100 Treviso | |
| ||
| Atività | ||
| Propietàrio | Trevizo | |
| Capasità màsema | 5 000 | |
| Abità da | Benetton rugby Treviso | |
| Ligo web | benettonrugby.it… | |
|
| ||
Edifegà sìrca 4 km
a nord ovest dal sentro stòrego sitadin, inte'l cuartier dal cuało el ciapa el nome, el ze stà inaugurà inte'l 1975 in ocazion de ła partìa de Copa FIRA NazNBR|15|ITA - NazNB|R15|POL[1]. In orizene ezisteva soło che ła Tribuna Ovest, descoerta. Inte i ani A ghe ze stà diversi łaori de anpliamento e ristruturasion. Inte'l 1988 A zera stà costruìa ła gradinada so'l łado est del canpo, seguìa da ła covertura de ła Tribuna Ovest (1999) e da ła costrusion inte'l 2001 dei novi spojatoi so'l łado nord, in ocazion de ła risistemasion conplesiva de ła Tribuna Ovest[1].
In ocazion del test match NazNB|R15|ITA - NazNB|R15|SCO che chive ze stà disputà el 24 de zenaro 1998, ła capiensa de l'inpianto ła ze stà estendesta a sìrca 10000 posti grasie a l'instałasion de serte tribune suplementari tenporanee ai ładi de cuełe permanenti.
Inte ła stajon 1997-1998 el stadio ze stà anca uzà cofà inpianto dei incontri interni del Treviso Calcio, in cuanto in chel pariodo el stadio calcìstego, l'Omobono Tenni, el jera inazibiłe par łaori de ristruturasion.
Ristruturasion resenti
Inte'l novenbre del 2018[1] A se ga concludesto i łaori de anpliamento e de covertura de ła Gradinada Est, da tenpo rechiedesta da ła dirizensa Benetton par azevołar l'afluensa de pùblego durante łe zornade de piova.
Inte'l 2020 A ze stà zontà i careghini a ła (ex-) Gradinada Est[2], portando ła capiensa de ła stesa a 2 300 posti e cueła conplesiva a 5 000 posti, tuti coèrti.
L’inpianto el ze dotà de sìe spojatoi par atleti ed arbitri, infermarìe, bar ed altre struture de restoro, un restorante, ła tradisionałe club house andove che se desvolze i tersi tenpi, na sała eventi, na sała stanpa, na sała somejari, na sała hospitality e'l negosio del club.
Anpi box i ze a dispozision de łe scuadre par i staff tècneghi, ma anca par i broadcaster ed i zornałisti, co tribuna stanpa atresà co rede internet, preze ełètreghe ed iłuminasion.
Tacà al stadio A ghe ze anpi parcheji par na mièra de auto.
El 19 de zunjo 2021 el Stadio Comunałe de Monigo el ga ospità par ła prima volta ła finałe de un torneo intarnasionałe, ła Pro14 Rainbow Cup[3]. El trofeo l'è stà vinsesto dai paroni de caza del Benetton Rugby, rivai primi inte'l ziron europeo, contro i Rugby Bulls, vinsidori del ziron sudàfregan. A ła finałe i ga podesto asister soło 1250 spetadori, dovendo respetar el łimite del 25% de ła capiensa masema inposto da łe normadive anti-Covid[4].
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
