Ruanda
From Wikipedia, the free encyclopedia
Remove ads
El Ruanda xe no Stato de l’Africa centrale.
El confina co el Congo a ovest, l’Uganda a nord, la Tanzania a est e el Burundi a sud.
Remove ads
Remove ads
Zeografia
El ga na superfisie de 26 338 km².
El Ruanda el xe ciamà el paexe de le mile coline parchè tuto el teritorio xe ocupà da coline. L’unica ecesion xe la catena del Virunga, montagne vulcaniche al confin co el Congo e l’Uganda al nord del paexe.
Storia
Antighità
Come tuti i paexi de l’Africa centrale, l’etnia che vivea in tel Ruanda xera una popołasion de statura basa che se ciamawa twa. I twa i vivea de cacia e racolta de vegetali e fruta. Verso la fin del primo milenio, na popołasion agricola bantu rivò dal Congo. Iera i antenati de i hutu. Inte el XIV secolo, i tutsi ie rivà da l’Etiopia. I tutsi i sa sempre considarà superiori e, caciatori e guerieri, i ga sotomeso i hutu. I twa xe diventà na minoransa. I tutsi gavea un re, el mwami. No se sa niente de preciso de i re tutsi fin al mwami Ruganza Bwimba (XV secolo).
Modernità
El primo eoropeo a rivar a la corte del mwami l’è stà el todesco von Goetzen. Von Goetzen fu el primo governator de l’Africa Oriental todesca. Dopo la Grande Guerra (1914-1918), la Germania ga perso tute le so colonie in tel Africa. El teritorio del Ruanda ghe stà dà a i belgi, che za controlaa el Zaire (ancò Republica Democràtega del Congo).
Indipendensa
El Ruanda ga avù l’indipendensa el 1 lujo 1962. El re fu mandà via e Grégoire Kayibanda l’è divegnù el primo presidente de la republica. En tel 1973 i tutsi che xera scapà in Burundi prima de l’indipendenza i xe ritornà e i ga tacà a far la guera a i hutu. El general hutu Juvenal Habyarimana ga fato on colpo de Stato inte el 1973 e ga fondà el Movimento Rivolusionario Naxional, l’unico che podea formar el governo. El multipartitismo rivò inte el 1991 con la nova Costitusion.
Paul Kagame
En tel 1994, i ribeli tutsi guidà da Paul Kagame, ga sbarà a l’aereo che portava a casa i presidenti de Ruanda e Burundi. Dopo poche ore, el genocidio l’è scominzià. I hutu e i tutsi i se ga copà sensa che i paexi africani i fasese qualcosa par fermar el genocidio. Un mezo milion de ruandexi xe morti in sto modo. Dopo verghe tolto el poder, Paul Kagame ga dito che i morti iera tuti tutsi e qualche hutu moderato, e che i xera otocentomila. La so version de i fati l’è falsa[19]. Co el novo governo de Kagame, la pace l’è tornà in Ruanda. Centomila sospeti genocidari i xe stà mandà in prison, e on tribulan internasional special, con sede in Tanzania, ga procesà i pi grandi genocidari. Durante la guera inte el Congo, i soldai ruandexi xe entrà in tel Congo e i ga copà un ventimila hutu che vivea la.
En tel 2003, ghe sta le elezioni pułìteghe vinte da Paul Kagame. Secondo Amnesty International e la Cexa Catolica, Kagame no ga permeso de le elezioni libare.
Remove ads
Zeografia politega
La cavedal xe Kigali.
Popołasion
El ga na popołasion de 7 954 013 abitanti.
Etnie
La majoria de i ruandexi xe hutu (80%), i tutsi xe el 19%, i twa 1%.
Religion
El 65% de i ruandexi xe catolego, i protestanti xe el 9%. El 25% segue le religioni tradisionali e i musulmani xe l’1%.
Economia
El Ruanda xe uno de i Stati pi poveri de l’Africa. La tera l’è poca (la densità xe de 285 persone par km³) e no la pol sostegnar la popołasion. El ruandese mèdio vive con manco de mezo euro al dì. El marca interno consuma patate, fromenton, banane, sorgo e manioca. L’alevamento de bestie l’è fato inte el sud de paexe, dove che ghe xe de le savane. Ghe miniere de stagno, tugsteno, oro e qualche giacimento de gas naturale. I tanti fiumi alimenta de le centrali eletriche e el Ruanda no ga bisogno d eimportar energia. Tuti i contati con l’estero ga da pasar da la Tanzania o da l’Uganda, par poi pasar par el Kenya. No ghe strade che pasa par el Congo par arivar al mar.
Remove ads
Curioxità
El Ruanda el xe ciamà el paexe de le mile coline parchè tuto el teritorio xe ocupà da coline.
Gałeria de someje
Łago Mutanda, int'el sfondo se vede ła caena de i Munti Virunga
panorama de Musanze
Nymphaea thermarum
.jpg)
,_2018.jpg)
Notasion
Altri projeti
Linganbi foresti
Wikiwand - on
Seamless Wikipedia browsing. On steroids.
Remove ads