Remove ads
El Regno d'Inghiltera (in ingleze: Kingdom of England) el ze sta un stato situà a nord-òvest de l'Eoropa, che el ze ezistio dal 927 al 1707 co el zera vegnesto legalmente sostituio dal Regno de Gran Bretagna[1]. Le so orìzeni łe se połe far resalir ai regni de ła cusi ciamada Eptarchia anglosàsone che ła se ga formà inte el IX e X secolo. El regno el zera situà inte ła parte meridionałe de l'ìzoła de Gran Bretagna inte ła rejon atualmente conosesta cofà che Inghiltera e ła reuniva soto ła istesa zurisdision łe entità de Inghiltera e Gałes.
Kingdom of England (en)  | |||||
|---|---|---|---|---|---|
|
|||||
| Bomò | «Dieu et mon droit» | ||||
| Pozision | |||||
| Continente | Eoropa | ||||
| Capitałe |  Winchester (it)  (–dècada del 1100)Westminster (it) (dècada del 1100–)Łondra (dècada del 1100–)  Città di Londra (it) (dècada del 1100–) | ||||
| Popołasion | |||||
| Totałe | 5 750 000 (1707) | ||||
| Demònemo | Inglezo, ingleza,
 | ||||
| Idioma | Anglosason Anglo-norman Inglese gałese cornego | ||||
| Rełijon | cristianèzemo celtego e in seguito catołicèzemo, àneganèzemo menori: paganèzemo, luteranèzemo e calvinismo | ||||
| Dati istòreghi | |||||
| Desolvimento | 30 de apriłe del 1707 (Zulian) | ||||
| Prima mesion documentada | Regno del Wessex, Prinsipà del Gàłes e Prydain (it) | ||||
| Organizasion pułìtega | |||||
| Forma de goerno | monarchia | ||||
| Òrgano lejislativo | Parlamento de Inghiltera | ||||
| Economia | |||||
| Moneda | Sterlina ingleze | ||||
| Istòrego | |||||
|
| |||||
La prinsipale residensa reale ła zera orizenariamente Winchester inte el Hampshire, ma anca Gloucester e Londra łe godea de un status paragonàbiłe, specialmente st'ùltema che a inte el scumìsio del XII secolo ła zera divegnesta ła capitale de facto. Londra ła ze restada ła capitale del regno fin a ła fuzion col Regno de Scòsia inte el 1707 sancia da l'Ato de Union e ła ze ndà vanti èsar ła sità prinsipale d'Inghiltera, oltre che capitale dei regni sucesivi a cheło d'Inghiltera: el Regno de Gran Bretagna dal 1707 al 1801, el Regno de Gran Bretagna e Irlanda dal 1801 al 1922 e inte ła fin del Regno Unio.
Remove ads
Orìzeni
El Regno d'Inghiltera no el ga na data de fondasion preciza. La so orìzene ła połe èsar fata derivar da ła denomenada Eptarchia, o sia l'insieme de sete regni ingleze menori: l'Ania orientałe, el Regno de l'Essex, el Regno del Kent, el Regno de Mèrcia, el Regno de Northùnbria, el Regno del Sussex e el Regno del Wessex.
I re del Wessex inte el ndar de el IX secolo i ghea ciapà na inportansa domenante su chełi dei altri regni. La concuista de Northùnbria, Ania orientałe e de metà de ła Mèrcia da parte dei Danezi el ghea dasà Alfredo el Grando (rè del Wessex da l'871 a l'899) l'ùgnoło rè anglosàsone restà. Eło el ze sta bon rezìstare a na sèrie de invazion danezi e el ga portà ła parte restante de ła Mèrcia soto ła sovranità del Wessex. So fioło, Edoardo el Vècio (rè da l'899 al 924), el ghea conpletà l'anesion de ła Mèrcia e de l'Ania orientale libaràndoła da l'ocupasion daneza, reunendo cusita ła parte d'Inghiltera de ła parte sud del fiume Hunber.
Inte el 927 ła Northumbria, i cuałi rè danezi i zera stai da poco sostituii dai norvezezi, ła ze cascada soto el controło del re Atelstan, uno dei fiołi de Edoardo el Vècio. Atelstan el ze sta cusita el primo re a goernare so tuto el teritòrio ingleze. No el ze sta el primo Re d'Inghiltera de jure, ma sertamente el ze sta cheło de facto. Inte i ani drioman ła Northumbria ła ga canbià de frecuente de man intrà re inglezi e invazori norvezezi, ma ła zera finia definitivamente soto el controło ingleze col re Edredo inte el 954, finindo cusita el proceso de unifegasion. Da chel momento l'Inghiltera ła zera divegnesta e restada na entità pułìtega unitària.
Durante el regno de Etelredo II (978-1016), na nova ondada d'invazion daneza, orchestrada da Sweyn I de Danemarca, ła zera finia dopo un cuarto de sècolo de scontri, inte ła concuista de l'Inghiltera inte el 1013. Sweyn el zera moresto el 2 de febraro del 1014 e Etelredo el ze sta rimetesto inte el trono, ma inte el 1015 el fioło de Sweyn, Canuto el Grando el ghea ciapà el via par na nova invazion. La guera che ła ghene zera vegnesto fora, ła zera finia inte el 1016 co un acordo intrà Canuto e el sucesore de Etelredo, Edmondo II i cuali i se ghea spartio el regno. Co ła morte de Edmondo, el 30 de novenbre del 1016, l'Inghiltera ła zera tornada unia soto dominasion daneza. Ste domenasion łe ze ndae vanti fin a ła morte de Canuto II, l'8 de zugno del 1042. Canuto II, che el zera fioło de Canuto I e de Ema de Normandia (védoa de Etelredo II), el cuało parò no el gaveva eredi direti e el posto a ła so morte el ghe ze sta tolto dal fradełastro Edoardo el Confesore. El regno d'Inghiltera el tornava cusita a vegner indipendente.
Concuista normana e i Plantazeneti
La paze ła zera durada solché fin ła morte sensa fiołi de Edoardo el 4 o 5 de zenaro del 1066. Ze sta fato incoronar el cugnà, Aroldo II d'Inghiltera. So cuzin Gulielmo el Bastardo (che dopo el gària tacà goder del pì nòbile soranome de El Concuistator), Duca de Normandia, el ghea reclamà da suito el trono par eło, metendo in pie na invazion de l'Inghiltera e aprodando inte el Sussex el 28 de setenbre del 1066. Aroldo II el se trovava col so ezèrsito a York, andove el zera vegnesto fora vitoriante inte ła bataja de Stamford Bridge del 25 de setenbre, ghe ga tocà par forsa traversar tuta l'Inghiltera par ndar far rezistensa ai invazori.
I ezérsiti de Aroldo e Gulielmo i se ghea frontejà finalmente inte ła bataja de Hastings el 14 de otobre del 1066. Aroldo el ga perdesto in favor de Gulielmo che el se ga ciapà el controło del regno sensa catar-fora tante altre rezistense. Eło no el vołea anétare el regno al Ducà de Normandia par via che, cofà Duca, Gulielmo el zera oncora sùdito de Filipo I de Fransa, mentre l'indipendensa del regno de Inghiltera el ghe permetea de goernare sensa interfarense. El ze sta cusita incoronà rè d'Inghiltera el 25 de disenbre del 1066.
_by_English_School.png)
El regno d'Inghiltera e el ducà de Normandia i zera stai unii soto el goerno de ła istesa persona fin al 1204. In chel'ano el rè Joani d'Inghiltera, disendente de cuarta zenerasion da Gulielmo I, el ghea perdesto ła sovranità so ła parte continentale del ducà in favore de Filipo II de Fransa. El resto del ducà, conosesto cofà "Ìzole del Canałe", el zera restà a Joani e ai so disendenti.
Joani el ze sta protagonista inte el 1215 de ła concezion de ła Magna Charta che ła ga raprezentà ła prima forma de costitusion scrita concedesta da un monarca inte ła stòria.
Joani, in tuti i cazi, el ghea conservà anca łe tere e el tìtulo de Duca de Acuitània. So nevodo Edoardo I d'Inghiltera el ghea sconfizesto [Llywelyn Ein Llyw Olaf ap Gruffydd|Llywelyn ap Gruffudd]] concuistando el Gàłes inte el 1282 e inte el 1301 el ghea creà el tìtulo de Prìnsipe del Gàłes par so fioło majorengo, el futuro Edoardo II d'Inghiltera.
Edoardo II el ga mołà el trono al fioło Edoardo III d'Inghiltera el cuało el ghea fato vanti preteze sol trono de Fransa che łe ghea portà a ła Guera dei Sent'ani (1337-1453). L'èzito finałe de ła guera el ze sta parò sfavorévoło ai inglezi che i ze stai dezemai e che i ze stai boni solché mantegnerse ła sovranità so ła sità de Calais.
El regno el ga vesto poco tenpo par rifarse prima del s-ciopo de ła guera de łe do roze (1455-1485), un guałivo drioman de guere siviłi par el trono intrà el Cazada dei Lancaster e el Cazada de York, rame difarenti de ła cazada regnante dei Plantazeneti a ła cuała feva parte Edoardo III. I confliti i zera finii co ła vitòria e l'incoronasion de un disendente par parte femenina dei Lancaster che ła ghea spozà ła fioła majorenga del lìder dei York: Enrico VII d'Inghiltera e Ełizabeta de York i ghea fondà ła dinastia Tudor che ła ze restada inte el trono dal 1485 al 1603.
I Tudor e i Stuart
Inte el contenpo el Gàłes el ghea mantegnesto el sistema aministrativo e legałe dividesto cofà stabilio da Edoardo I a ła fin del XIII secolo. El secondo monarca dei Tudor, Enrico VIII, el ghea fondesto definitivamente insieme i teritori del Gàłes co chełi inglezi co l'Ato de Union del 1536. El Gàłes el finia cusita de èsare un pocedimento privà del rè e el ze sta anetesto al regno d'Inghiltera co i relativi raprezentanti inte el Parlamento.
Durante el regno de Enrico VIII inte el 1541 el parlamento d'Irlanda lo ghea proclamà Re d'Irlanda, declarando cusita el Regno d'Irlanda in union personałe col regno d'Inghiltera. Durante el regno de Maria, fioła majore de Enrico VIII, ła sità de Calais ła zera stada concuistada inte el 7 de zenaro del 1558 da Francesco I de Guisa.
.jpg)
La dinastia dei Tudor ła ze finia co ła morte de Elizabeta I d'Inghiltera el 24 de marso del 1603. Sensa eredi direti al trono, ła corona ła zera pasada cusita a Jàcomo VI re de Scòsia, un lontan parente protestante de Elizabeta del cazada dei Stuart, che el ze entrà al trono col nome de Jàcomo I. No-ostante l'union de łe corone, i regni de Inghiltera e Scòsia i zera restai indipendenti e dividesti fin al 1707.
In cheł'an l'Ato de Union ratìfegà sia dal parlamento scosezo che da cheło inglezo el ghea creà el Regno de Gran Bretagna. La rezina Ana, ùltema monarca dei Stuart, ła ze divegnesta ła prima sovrana del novo regno. I parlamenti de Inghiltera e Scòsia i zera stai anca sti cuà fondesti inte el Parlamento de Gran Bretagna co sede inte el Palaso de Westminster a Londra. A sto ponto el regno d'Inghiltera el ghea cesà de esistere cofà entità pułìtega distinguesta e no el ga pì avesto pì un goerno nasionale. Legalmente parò łe zurisdision de Inghiltera e Gàłes da na parte e Scòsia da l'altra łe zera restae divideste, ndando vanti vere leji e tribunali defarenti. Sta situasion ła zera continuada finmente a l'Ato de Union del 1800 intrà el Regno de Gran Bretagna e el regno d'Irlanda che el ghea creà el Regno Unio de Gran Bretagna e Irlanda (che seventemente el divegnarà el Regno Unio de Gran Bretagna e Irlanda del Nord).
El Commonwealth e el Protetorà
L'Inghiltera ła ze sta na monarchia par tutta ła durada de ła so esistensa pułìtega, da ła so creasion da torno al 927 fin al 1707, co l'ùgnoła ecesion dei ùndaze ani de Interegno ingleze (1649-1660) che el ghea seguio a ła Rivolusion ingleze.
El goerno de rè Carlo I d'Inghiltera el zera sta sostituio da na repùblega che ła zera sta ciamada Commonwealth of England (1649-1653). El prinsipale zenerale fautor de ła repùblega el ze sta Oliver Cromwell.
El zenerale vitoriozo el ghea finio col revoltarse anca contro ła repùblega e el ghea formà na nova forma de goerno denomenada Protetorà, co eło cofà Lord Protetore finmente a ła so morte el 3 de setenbre del 1658. Lo ghea sostituio el fiołio Richard Cromwell che parò no el se ghea demostrà bon de mantegner el podere e, dopo un perìodo de anarchia, el se ghea dimetesto e retirà a ła vita privada. Ze cusita che el ze sta restabiłio de novo el Commonwealth, ma anca sto cuà el se ghea demostrà instàbiłe e Carlo II d'Inghiltera, che el pretendea ła corona e el zera al bando, el ze sta reciamà sul trono inte el 1660 dando cusita vita a ła Restaurasion ingleze.
Remove ads
.svg){kind=small}
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
Remove ads