Henry Winkler

Henry Franklin Winkler (New York, 30 de otobre 1945) el ze un ator merican, famozo soratuto pa' ver inparsonà el roło de Arthur "Fonzie" Fonzarelli inte ła sitcom Happy Days.

Sta voxe de tełevixion xe orfagna, o sia privada de lighi in entrada da altre voxe

Henry Winkler

(2018)
Biografia
Nasimènto	(en) Henry Franklin Winkler 30 de otobre del 1945 (79 ani) West Side (New York) (en)
Dati personałi
Formasion	Emerson College (it) Stella Adler Studio of Acting (it) Austin College (en) McBurney School (en) Yale School of Drama Università de Yale
Atività
Canpo de laoro	Arte drammatica (it) , television production (en) , regia televisiva (it) , libro per ragazzi (it) , libro par putełi e letaratura per tozati
Ocupasion	ator, dopiador, ator de teatro, produtor de tełevixion, comediante, ator, diretor de cine, ator de tełevixion, produtor de cine, scritor, diretor de tełevixion
Atività	1972  –
Fameja
Fiołi	Max Winkler (it)
Pare	Harry Irving Winkler (en)
(2018)  Primetime Emmy Award for Outstanding Supporting Actor in a Comedy Series (en) , premià par Barry (it) (1988)  Jane Fonda Humanitarian Award (en)  stella sulla Hollywood Walk of Fame (it)  Ufficiale dell'Ordine dell'Impero Britannico (it)

Biografia

Henry Winkler interpreta Fonzie in Happy Days (1977)

Winkler el ze nasùo a Manhattan (New York) el 30 otobre de'l 1945, só fìo de Harry Irving Winkler e de Ilse Anna Maria Hadra, tuti do imigrà todeschi de orizene ebràega, rivài inte i Stati Unii inte'l 1939, prima de'l scomisio de ła segonda guèra mondiałe; só pare el gera el dirigente de na segarìa.^[1][2].

Henry el ga frecuentà ła McBurney School otenjindo ła laurea a l'Emerson College inte'l 1967, par può otenjir un Master ne łe Bełe Arti a ła Yale School of Drama inte'l 1970. Inte'l 1978, l'Emerson College el ga conceso a Henry un dotorà honoris cauza in Łétare, inisiativa po' emułà anca da l'Austin College.

Durante el desenio de produsion de Happy Days, Winkler ga resità anca in altri film. Finìo el tełefilm, ła só carièra de ator ła ga interota montaneamente consentrandose inte ła produsion e inte ła rezìa. El ga produzesto infati tanti tełelfilm come MacGyver, Storie incredibili e Mr. Sunshine e el ga direto film come Alla scoperta di papà (1988) co Billy Crystal e Un piedipiatti e mezzo (1993) co Burt Reynolds.

Henry Winkler inte'l 1990

Da'l 2003 al 2006 el gà partisipà a ła serie tełeviziva Arrested Development - Ti presento i miei, inte'l roło de l'avocato Barry Zuckerkorn. Inte l'isteso parìodo el ga anca ciapà parte a ła sfortunà serie tełeviziva che ła ze durà poco Out of Practice - Medici senza speranza.

Inte'l 2008, in ocazion de łe ełesion presidensiałe statunitensi, el partesipa al curtometragio reałizà da l'amigo Ron Howard a sostenjo de'l candidato democràtego Barack Obama. Inte'l curto el torna vestir i pani de "Fonzie", cusì come Howard torna a resitàr el parsonazo de Richard "Richie" Cunningham.

A partindo da'l 2003, insénbre a ła zornałista Lin Oliver, el gà tacà scriver ła fortunada serie de łibri par fiòłi che'l ga par protagonista Hank Zipzer Archivià il 3 de marso 2014 in Internet Archive., un tozatin de nove ani colpìo da dizlesia come l'autor medèmo. Inte i romanzi, ispira' a l'infansia de l'autor, el parsonazo de Hank el se cata a conbàter contro łe dificoltà scołàsteghee fazedo recorso a stratazèmi fruto de ła só granda creatività. El primo vołume de ła serie, "Hank Zipzer e le cascate del Niagara", el ze stà publegà inte'l meze de magio 2013 da ła casa editora Uovonero^[3]. Inte'l novenbre 2013 A ze venjesto fora in Itałia el segondo vołume senpre par Uovonero da'l titoło "Hank Zipzer e la pagella inte el tritacarne". A desenbre 2013 el vien intarvistà da un zornałista de ła BBC che parò no ło reconose, scanbiandoło par un pasànte, Winkler no'l se ga sconponésto e el ga respondesto a łe domande.

Reconosimenti

El 19 agosto 2008 ła sità de Milwaukee ła ga sełebrà el parsonajo de "Fonzie", e ghe ga dedicà na statua in bronzo co łe fatése de'l protagonista de'l tełefilm. Henry Winkler el gera prezente a ła serimonia co tuta ła só fameja "reałe" e ła só famegia "tełeviziva" de Happy days.^[4][5][6]

El 15 setenbre 2011, in t'una serimonia che ła se ga tenjùo 'rente l'inbasàda britànega a Washington, Winkler el ze stà insinjìo de'l titoło de ofisiałe de l'Órdene de l'Inpero Britànego (OBE) par i só meriti inte'l canpo de ła reserca contro ła dizlesia infantiłe.^[7]

Vita privà

Dal 5 majo 1978 l'è spozà co Stacey Weitzman; ła copia ła ga do fiòłi, Zoe Emily (1980) e Max Daniel Winkler (1983). Henry el un fiàstro, Jed, fìo che Stacey el ga avùdo da'l presedente marìo, l'avocato Howard Weitzman. El ze el sàntoło de Bryce Dallas Howard, só fìa de Ron Howard, só gran amigo de Bryce Dallas Howard, fia de Ron Howard, só grando amigo.

El ze cuzin de'l còmego Richard Belzer.^[8]

Filmografia parsial