Guinea
From Wikipedia, the free encyclopedia
La Guinea[15] xe no Stato de l’Africa Ocidentale.
El confina co la Guinea Bissau e el Senegal a nordovest, el Mali a nordest, la Costa d'Avorio e la Liberia a sudest e la Siera Leone a sudovest. El xe bagnà dal Osèano Atlàntego a ovest.
Ghe xe xone montagnoxe al sentro (montagne del Fouta Djalon) e a sudest (Monte Nimba, 1,752 m). A nordest se cata un vasto altipian. Le pianure se cata longo la costa.
Da un ponto de vista anbiental se cata quatro rejoni:
- le Basa Guinea o Guinea Maritima, co tere-base, su la costa
- la Media Guinea, co le montagne del Fouta Djalon, inte el mezo del paexe
- l’Alta Guinea, co anbiente de tipo sahelian, inte el nordest
- la Guinea forestal, coverta da jungle, inte el sudest.
Antighità
Le prime notisie storiche su la Guinea le risale a l’impero del Ghana (900 d.C.).
El paexe pasò soto el impero Sosso inte el XIII secolo.
El poder pasò al impero del Mali co la batalia de Kirina del 1235.
Dopo, xe stá el momento de l’impero de Songhai, che l’è terminá co la batalia de Tondibi inte el 1591.
En sti ani, i musulmani fulani ie rivá ne la zona de Fouta Djalon.
I portoghexi e i olandesi praticava la trata de i s-ciavi su la costa.
I francexi ga reclamá la colonia de Guinea inte el 1890.
I ga fondá Konakry su l’isola de Tombo, rente de la costa.
Indipendensa
El 28 setembre 1958, i guineani ga votá a favor de l’indipendenza imediata da la Francia.
El ditator Ahmed Sékou Touré l’è stá el primo presidente. El ga sopreso l’oposision e el dirito de espresion.
Inte el 1984 a la so morte, Lansana Conté ga ciapá el so posto e ga cambiá la diresion politegha del paexe, parò el governo rimane ditatoriale.
Ne i ultimi ani, el governo ga dovù far i conti co sioperi de masa, manifestasioni e resistenza civile. Conté ga dovù acetar de nominar on primo ministro che laorase co i sindacati par democratizar el paexe, parò el ga nominá el so amigo personale Eugene Camara.
Inte el febraro 2007, dopo altri sioperi e soto la presion internasional, Conté ga nominá primo ministro Lansana Kouyaté, ex anbasador e democratico.
La cavedal xe Conakry.
Etnie
In Guinea se cata 24 grupi etnici.
El 40% de la popolasion apartien a i fulani. I mandinka xe el 30% e i sousou el 20%.
Religion
Musulmani 70%, religioni tradisionali 28%, catoleghi 2%.
Léngue
La zente parla francexe.
El teren e le condisioni climàteghe saria ideali par lo svilupo de l’agricoltura, che parò rimane de susistenza: la corusion e la mancanza de na pułìtega no le favorise lo svilupo de l’agricoltura.
El paexe l’è rico de minerai. Le scorte de bauxite xe de 25 miliardi de tonelate, la metá de le scorte mondiali. Ghe xe anca minerai del fero, oro, uranio e diamanti. Companie americane ga scoperto el petrolio su le coste de la Guinea e la produsion la scominziará par el 2009.
monte Łura, inte el masiso de el Futa-Žałon
fiume Miło
panorama de Nzerecoré
Riserva de el monte Ninba, sito patrimonio ONUESC
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
