Gerundio

El gerundio l'è un modo indefinìo del verbo che el serve da nome verbałe o averbio verbałe, o sia el se conporta come che el fuse un nome seben che in realtà el sipia un verbo vero e propio co vóxe e tenpo sui.

In latin gh'era un gerundio ativo (laudandum -i ; eundum -i)
In ingléxe ghe xe un gerundio ativo conpagno del partisipio prexente (going, speaking, writing) e un pasà conposto ativo (having gone, having spoken)
In itałian e vèneto gh'è un gerundio ativo (guardando, arrivando e vardando, rivando) e un pasà conposto (it. avendo guardato, essendo arrivato ven. avendo vardà, sendo rivà)

El gerundio el corispónde spéso a un nome co na prepoxision de modo o tenpo "co/(par) cólpa/durante/dopo/drio":

l'è partio sopegando = l'è partio co na caminada sota
vardando in alto no'l se ga gnanca inacorto de ła buxa = cólpa del fato che el vardava in alto, no'l se ga gnanca inacorto de ła buxa
tornando caxa me go ricordà che... = durante el ritórno me go ricordà che...
varda che ciacołando no se conbina gnente = varda che co łe ciàcołe no se conbina gnente
i ze vegnesti zo rugołando = i ze vegnesti zo de rugołoni"
ocio che scrivendo te ris·ci che i te acuxa = ocio che drio quel che te scrivi te ris·ci che i te acuxa

Pì informasion Modi e tenpi verbai par veneto ...

Wikimedia Commons el detien imàjini o altri file so zerùndio
Scholia el detien schemi gràfeghi so Gerundio

Pì informasion Controło de autorità ...