Bełize
From Wikipedia, the free encyclopedia
Bełize (spagnoło: Belice, ingleze: Belize) el ze un paeze sovran de Amèrica ubicà inte el estremo nordest de Sentroamèrica. El ze el ùgnoło paeze de l'Amèrica Sentrałe che el ga na forma de goerno organizada in na monarchia constitusionałe parlamentària, andove che la rezina ła laora cofà caa de Stato e ła ze representada inte el paeze da un goernador zenerałe. La capitałe ła ze la sità de Belmopan e la sità pì popołada ła ze la Sità de Bełice, che ła zera stada capitałe finmente el ano 1970 cuando che el desfamento provocà da l'Uragan Hattie ła ghea obligà al goerno de transferir la capitałe a ła comunità de Belmopan, fondada inte el 1960[13].
El confina al nord co Mèsego e verso sud e ovest co Guatemała. El golfo de Honduras el lo separa del paeze omònemo, motivasion par ła cuała el zera sta conosesto anteriormente cofà Honduras Britànega, finmente ła so indipendensa inte el 21 de setenbre de l'ano 1981, cuando che el ghea asumesto el atuałe nome ispiràndose a cheło de ła sità de Bełize, a so volta nomenada derivando dal rio Bełize.
Bełize el ga un àrea de 22 800 km² e na popołasion de 387 879 abitanti (2017). El ga la menor popołasion e densità de tuta l'Amèrica Sentrałe[14]. El cresimento popołasionałe anuałe el zera de 1.87 % inte el 2015, el secondo pì alto de la rejon e dei pì alti in tuto el emisfero ovest.[15]
Anca se łe łéngue predomenanti łe ze el spagnoło e el crioło bełizegno, el Bełize el ze el ùgnoło paeze de Amèrica Sentrałe andove che ła łéngua ufisałe ła ze el ingleze, anca se solché el 62.9 % de la popołasion el ło pàrlee cofà idioma secondàrio e solché el 3% cofà łéngua mare, conparà col 55.6 % de la popołasion che ła parla spagnoło, el 43.6 % che parla crioło bełizegno e 9.5 % che parla ła łéngua maya[16]. El Bełize el spartise un pasà comun no solché co i paezi de Amèrica Sentrałe, ma anca coi Caràibi. El forma parte de la Mancomunità de Nasion, del Caricom e del Sistema de ła Integrasion Sentroamericana (SICA).
El ga na superfisie de 22 966 km²
A sua capital xe Belmopan.
El ga 294 385 abitanti, stimài inte el lujio 2007.
Ei ciacoła par lo più l'inglese , anca se na parte dea popołasion parla spagnoło.
munti Maya a sudovest
bariera corałina de el Bełize
panorama de Sità de el Bełize
sito istorego de Caracol
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
