I Vèneti antighi i abita tut el Vèneto da Bresa fin a l'Istria, i xe on popoło avansà e struturà. I xe boni e avansai inte el agricoltura, inte el artexanà, inte ła costrusion de armi e altre robe che i trafega co altri popoi tacai e no, grasie a ła navegasion; i ga na łéngua co na scritura, de łe łexi, e tante sità e sentri pì o manco grandi e tanto altro.
Par prima metà del secoło inte el Rente Oriente ła potensa prinsipał xe l'Inpero Neo-Babiłonexe.
Inte el 594 v.C.Sołon deventa arconte de Atene e fa reforme democradeghe.
Inte el 586 v.C. finise el Renio de Juda co i Bałiłonexi i concuista Jerusałem dapò on an e mexo de asedio[1], el re babiłonexe Nabucodonoxor II desfa el Tenpio de Sałomon e exiłia ła major parte dei abrei a Babiłonia, taca cusì ła Prexonia a Babiłonia.
Torno al 580 v.C. more el re Çiro I de Ansan e ghe va drio el fiol Canbixe I de Ansan.
Inte el 559 v.C. more el re Canbixe I de Ansan e ghe va drio el fiol Çiro II de Persia.
Inte el 550 v.C.Çiro II bate i medi e fa nasar l'Inpero persian.
Crexo de Łidia, vaxo greco a figure rose
Inte el 546 v.C.Çiro II bate el re Crexo e invade ła Łidia, on poc dei abitanti de ła Łidia i scanpa in Gresia soratut da ła sità de Teo.
Inte el 539 v.C.Çiro II de Persia concuista Babiłonia.
Ai abrei, exiłiài a Babiłonia ghe vien dal parmeso de tornar in patria e tra el 538 v.C. e el 537 v.C. i torna tuti inte a Pałestina e i taca costruir el Segondo Tenpio de Jerusałem.
El profetabiblicoDanièl ga un incontro co un anxeło.
Inte el 530 v.C. more el re Çiro II de Persia e al trono ghe va drio el fiol Canbixe II de Persia.
Inte el 525 v.C.Canbixe II de Persia concuista l'Exito.
El 12 de marso del 515 v.C. vien finìa ła costrusion del Segondo Tenpio de Jerusałem.